ખંભાળિયામાં યુવાન પરના હુમલામાં ત્રણ શખ્સો ઝડપાયા

કારમાં ગરબા વગાડવા મામલે માથાકુટ થઇ હતી

ખંભાળિયામાં વાણીયા વાડી વિસ્તારમાં રહેતા ખુશાલ વિજયભાઈ ગોકાણી નામના પત્રકાર તેમની મોટરકારમાં તાજેતરમાં રાત્રિના આશરે એકાદ વાગ્યાના સમયે તેમના મિત્રને મૂકવા જઈ રહ્યા હતા, ત્યાર બાદ પરત ફરતી વખતે અહીંના મદીના મસ્જિદ વિસ્તારમાંથી નીકળતા તેમની કારમાં ગરબા વાગતા હોવાથી અહીં ચાલી રહેલી મજલીસના કાર્યક્રમમાં રહેલા લાલો શેખ, રૂૂસ્તમ સહિતના આશરે 25 થી 30 જેટલા લોકોના ટોળાએ તેમને અટકાવી અને મારી નાખવાની ધમકી આપ્યાની ફરિયાદ અહીંના પોલીસ મથકમાં નોંધાવવામાં આવી હતી. જેને અનુલક્ષીને ખંભાળિયાના પી.આઈ. બી.જે. સરવૈયાની ટીમ દ્વારા કરવામાં આવેલી કાર્યવાહીમાં સાત શખ્સોની અટકાયત કરી, ધોરણસર કાર્યવાહી કરાઈ હતી.