કલેક્ટર તંત્ર દ્વારા નાગરિક બેંકના બે ડિફોલ્ટરોની મિલકતોનો કબજો લેવાયો

રાજકોટ નાગરિક બેંકના ડિફોલ્ટરો સામે અંતે કલેકટર તંત્ર દ્વારા કાર્યવાહી કરવામાં આવી હતી અને લોન નહીં ભરનાર બે આસામીની મિલકતોનો કબજો લઇ લેવામાં આવ્યો હતો.

રાજકોટ કલેકટર પ્રભવ જોશીના માર્ગદર્શન હેઠળ પૂર્વના મામલતદાર એસ. જે. ચાવડા અને સત્યમ શેરસીયા, સર્કલ ઓફિસર દ્વારા ઘી સિક્યુરાઈઝેન એક્ટ હેઠળ નોંધાયેલ બે કેસો અંગેની મિલકત નો કબ્જો લેવામાં આવેલ હતો. બાકીદારો વનરાજસિંહ વજુભા જાડેજા અને જયપાલસિંહ વનરાજસિંહ જાડેજા પાસે તા. 30/06/2015 સુધી બાકી પડતી લેહણી રકમ અનુક્રમે 10,51,473 અને 10,43,439 અને ત્યારબાદ ચડત વ્યાજની રકમની વસુલાત કરવા માટે બાકીદાર ની મિલ્કતનો કબજો લઈ અને અધિકૃત અધિકારી, રાજકોટ નાગરિક સહકારી બેંક લી. ને સોંપવામાં આવ્યો હતો.

ઉલ્લેખનીય છે કે, ઉપરોકત બે પૈકીના એક બાકીદાર વનરાજસિંહ જાડેજાએ અગાઉ આપેલ ચેક રિટર્ન થતા વર્ષ 2022માં તેમને કોર્ટે સજા પણ ફટકારી હતી.