ખંભાળિયામાં વૃદ્ધે ફાંસો ખાઈને જિંદગી ટૂંકાવી

ખંભાળિયાના લુહારશાળ વિસ્તારમાં રહેતા એક વૃદ્ધે ગઈકાલે ગળાફાંસો ખાઈને આપઘાત કરી લીધાનો બનાવ પ્રકાશમાં આવ્યો છે.આ સમગ્ર પ્રકરણ અંગે ખંભાળિયાના લુહારશાળ વિસ્તારમાં આવેલી સાંકડી શેરીમાં રહેતા જીગ્નેશભાઈ નરેશભાઈ પરમાર નામના 39 વર્ષના યુવાન દ્વારા અહીંના પોલીસ મથકમાં જાહેર કરવામાં આવેલી વિગત મુજબ તેમના પિતા નરેશભાઈ રામજીભાઈ પરમાર (ઉ.વ. 68) એ કોઈ અગમ્ય કારણોસર ગઈકાલે ગુરુવારે પોતાના ઘરે પોતાના હાથેથી ગળાફાંસો ખાઈ લેતા તેમનું મૃત્યુ નીપજ્યું હતું. આ અંગે ખંભાળિયા પોલીસે જરૂૂરી નોંધ કરી, આગળની કાર્યવાહી કરી હતી.