ઇન્સ્ટાગ્રામમાં મેસેજ કરનાર યુવાન અને તેની માતાને પતાવી દેવાની ધમકી આપી

જામનગરમાં પટેલ કોલોની વિસ્તારમાં રહેતી એક મહિલાએ છરીની અણીએ પોતાને તથા પોતાના પુત્રને પતાવી દેવાની ધમકી આપવા અંગે મચ્છર નગરમાં રહેતા એક શખ્સ સામે ફરિયાદ નોંધાવી છે.

જે આરોપીની પત્નીને ઇન્સ્ટાગ્રામ માં ફરિયાદી મહિલા નો પુત્ર મેસેજ કરે છે, તેવા આક્ષેપો સાથે ધાક ધમકી અપાઈ હતી. જામનગરમાં પટેલ કોલોની શેરી નંબર 11 માં રહેતી દેવીબેન વિજયભાઈ સોલંકી નામની 45 વર્ષની મહિલાએ પોતાને તેમ જ પોતાના પુત્રને ચરીની અણિએ પતાવી દેવા અંગે મચ્છર નગરમાં રહેતા ધર્મેશ મુકેશભાઈ અને તેના એક સાગરીત સામે ફરિયાદ નોંધાવી છે. પોલીસ ફરિયાદમાં જાહેર કરાયા અનુસાર ફરિયાદી મહિલાના પુત્ર એ આરોપી ધર્મેશ ની પત્નીને ઇન્સ્ટાગ્રામ માં મેસેજ કર્યા છે, તેવી શંકા ના આધારે બંને આરોપીઓ દેવીબેન ના ઘેર ધસી ગયા હતા, અને છરીની અણીએ પતાવી દેવાની ધમકી આપી હતી, જેથી મામલો સીટી બી. ડિવિઝન પોલીસ મથકમાં લઈ જવાયો હતો.