પોરબંદરના દરિયામાં જહાજમાં સિલિન્ડર બ્લાસ્ટ થતાં લાગેલી આગ 22 કલાકે કાબૂમાં આવી

આગ બાદ 14 ક્રુ મેમ્બરને બચાવી લીધા હતા: જામનગરની કંપનીનું જહાજ હતું: 950 ટન ચોખા અને 78 ટન ખાંડ ભરી જહાજ સોમાલિયા રવાના થવાનું હતું

પોરબંદરના દરિયામાં આગ લાગેલા જહાજ પર આખરે 20 થી 22 કલાકની જહેમત બાદ કાબુ મેળવવામાં આવ્યો છે. જામનગરની એચ. આર. સન્સ કંપનીના માલ વાહક જહાજમાં ગઈકાલે સવારે આગ લાગી હતી.

પોરબંદરના દરિયામાં આગ લાગેલા જહાજ પર આખરે 20 થી 22 કલાકની જહેમત બાદ કાબુ મેળવવામાં આવ્યો છે. જામનગરની એચ.આર. સન્સ કંપનીના માલવાહક જહાજમાં ગઈકાલે સવારે આગ લાગી હતી, જેના પર કાબુ મેળવી લેવાયા બાદ મોડી સાંજે ફરીથી આગ ભભૂકી ઉઠી હતી. આ ઘટનામાં સદભાગ્યે કોઈ જાનહાનિ થઈ નથી અને જહાજમાં સવાર તમામ 14 ક્રૂ-મેમ્બરોને સુરક્ષિત રીતે બચાવી લેવાયા હતા. તેમજ આ જહાજમાં 950 ટન ચોખા અને 78 ટન ખાંડ ભરીને સોમાલિયા જવા રવાના થવાનું હતું. જહાજમાં 5 હજાર લીટર ડીઝલ અને એલપીજી ગેસ સિલિન્ડર હોવાથી મોટો વિસ્ફોટ થયો હતો.

બ્લાસ્ટ એટલો પ્રચંડ હતો કે જહાજનો અમુક ભાગ સંપૂર્ણપણે બળીને ખાખ થઈ ગયો છે. આ ઘટનાને પગલે પોરબંદરની ચોપાટી પર લોકોની અવરજવર પર પ્રતિબંધ મૂકવામાં આવ્યો હતો, જેથી બચાવ અને રાહત કામગીરી સરળતાથી થઈ શકે. આ ઘટનાની જાણ થતાં જ જિલ્લા પોલીસ વડા સહિતના ઉચ્ચ અધિકારીઓ ઘટનાસ્થળે દોડી આવ્યા હતા. ભારતીય કોસ્ટ ગાર્ડ અને ફાયર બ્રિગેડની ટીમોએ સતત 20 કલાકથી વધુ સમય સુધી આગ બુઝાવવા માટે અથાક પ્રયાસો કર્યા હતા. ભારે પવન અને દરિયાની ઊંચી લહેરોને કારણે કામગીરીમાં અવરોધ આવ્યો હતો, પરંતુ ટીમોએ હિંમતપૂર્વક પરિસ્થિતિનો સામનો કર્યો.

જહાજમાં રહેલો માલસામાન અને ઇંધણ આગ વધુ ફેલાવવામાં મદદરૂૂપ થયા હતા, પરંતુ બચાવ ટીમોએ સમયસર કાર્યવાહી કરીને આગને વધુ ફેલાતી અટકાવી. આ ઘટનાથી દરિયાઈ પર્યાવરણને પણ નુકસાન પહોંચ્યું છે કે કેમ, તે અંગે તપાસ કરવામાં આવી રહી છે. આ સમગ્ર ઘટનાએ દરિયાઈ સુરક્ષા અને જહાજોના જાળવણીના મુદ્દાને ફરી એકવાર પ્રકાશિત કર્યો છે. ભવિષ્યમાં આવી ઘટનાઓ ન બને તે માટે કડક નિયમોનું પાલન કરવું જરૂૂરી છે. આ ઘટનામાં સદભાગ્યે કોઈ જાનહાનિ ન થતા, વહીવટી તંત્ર અને બચાવ ટીમોના પ્રયાસોને બિરદાવવામાં આવી રહ્યા છે.