નાયબ ખેતી નિયામક વર્ગ-1 અને વર્ગ-2ની પરીક્ષા 28 ઓગસ્ટે યોજાશે

વર્ગ-1ની પરીક્ષા રદ કર્યા બાદ કાલે યોજાનાર વર્ગ-2ની પરીક્ષા પણ મુલતવી

GPSC દ્વારા લેવાનાર નાયબ ખેતી નિયામક / જિલ્લા ખેતીવાડી અધિકારી, વર્ગ-1 ની પરીક્ષા રદ કરવામાં આવી છે. જ્યારે મદદનીશ ખેતી નિયામક, વર્ગ-2 ની પરીક્ષા મુલ્તવી રાખવામાં આવી છે જે હવે 28 ઓગસ્ટના યોજવામા આવશે.

તા. 27.05. ના નાયબ ખેતી નિયામક/જિલ્લા ખેતીવાડી અધિકારી, વર્ગ-1 ની પરીક્ષા અંગે તા.28.05 ના ઉમેદવારોએ આવીને એવી રજૂઆત કરવામાં આવી હતી કે પરીક્ષામાં પૂછાયેલ મોટાભાગના પ્રશ્નો પુસ્તક-1 Fundamentals of Agriculture Volume-1 તથા પુસ્તક-2 Fundamentals of Agriculture Volume-2માં આપેલા હેતુલક્ષી પ્રશ્નોમાંથી પૂછવામાં આવેલ છે. ઉમેદવારોની ઉકત રજૂઆતની ચકાસણી કરતાં, તેમાં તથ્ય જણાયેલ હોઈ, જુદા જુદા સ્ત્રોતોથી તૈયારી કરતાં તમામ ઉમેદવારોને એકસરખી તક મળે તે હેતુથી, આ પરીક્ષા રદ કરવામાં આવે છે.આગામી તા.31.05 ના રોજ લેવાનાર મદદનીશ ખેતી નિયામક, વર્ગ-2 ની પરીક્ષામા પણ સમાન અભ્યાસક્રમ હોઈ તેમાં પણ જુદા જુદા સ્ત્રોતોથી તૈયારી કરતા ઉમેદવારોને સ્પર્ધાની સરખી તક મળે તે હેતુથી આ પરીક્ષા પણ મુલત્વી રાખવાનો નિર્ણય કરવામાં આવેલ છે.હવે પછી આ બન્ને ભરતી માટે એટલેકે નાયબ ખેતી નિયામક / જિલ્લા ખેતીવાડી અધિકારી, વર્ગ-1 તથા મદદનીશ ખેતી નિયામક, વર્ગ-2 માટે સંબંધિત વિષયની એક જ પરીક્ષા સંયુક્ત રીતે તા. 28 ઓગસ્ટ ના રોજ યોજવામાં આવશે અને તેમાં બન્ને જાહેરાતમા ઉમેદવારી નોંધાવેલ હોય તેવા ઉમેદવારોએ મેળવેલ ગુણ બન્ને ભરતીમાં ધ્યાને લેવામાં આવશે. તેમ જણાવવામાં આવ્યું છે.