નુકસાનગ્રસ્ત ખેડૂતોની એક સપ્તાહમાં વળતરની રકમ ખાતામાં જમા થશે

કૃષિ મંત્રી રાઘવજીભાઇ પટેલ નુકસાનીનો સરવે કરાવેલ

ગત ઓગસ્ટ મહિનામાં પડેલા અતિવૃષ્ટિના કારણે જામનગર જિલ્લાના ખેડૂતોના પાકને ભારે નુકસાન થયું હતું. આ નુકસાનની ભરપાઈ માટે રાજ્ય સરકાર દ્વારા ખેડૂતોને વળતર ચૂકવવાની જાહેરાત કરવામાં આવી હતી. આ અંગે ગુજરાત મિરર સાથેની વાતચીતમાં રાજ્યના કૃષિ મંત્રી રાઘવજીભાઈ પટેલ અને જિલ્લા ખેતીવાડી અધિકારી આર.એસ. ગોહેલે જણાવ્યું હતું કે, નુકસાનના સર્વેનું કામ પૂર્ણ થઈ ચૂક્યું છે અને ખેડૂતોના ખાતામાં વળતરની રકમ જમા કરવાની પ્રક્રિયા શરૂૂ કરી દેવામાં આવી છે.

જિલ્લાના 418 ગામોમાં 49,867 ખેડૂતોના પાક નુકસાનના રિપોર્ટ તૈયાર કરવામાં આવ્યા હતા. આ ઉપરાંત, સરકાર દ્વારા ખેડૂતો પાસેથી ઓનલાઈન અરજીઓ પણ મંગાવવામાં આવી હતી, જેની કુલ સંખ્યા 43,366 છે.
સરકારના ઠરાવ મુજબ, બિનપિયત જમીન માટે એક હેક્ટર દીઠ 11,000 રૂૂપિયા અને પિયત જમીન માટે 22,000 રૂૂપિયાની વળતરની રકમ ચૂકવવામાં આવશે. આ તમામ રકમ આગામી સાત દિવસમાં ખેડૂતોના ખાતામાં જમા કરવામાં આવશે.

આ નિર્ણયથી જામનગર જિલ્લાના હજારો ખેડૂતોને રાહત મળશે. અતિવૃષ્ટિના કારણે થયેલા નુકસાનને પહોંચી વળવા માટે સરકાર દ્વારા કરવામાં આવેલા આ પ્રયાસને ખેડૂતોએ આવકાર્ય બનાવ્યો છે.ગત ઓગસ્ટ મહિનામાં જામનગર જિલ્લામાં અનઅપેક્ષિત ભારે વરસાદે જિલ્લાના ખેડૂતોને ભારે નુકસાન પહોંચાડ્યું હતુ. અતિવૃષ્ટિના કારણે નદીઓના પાણી પલ્લવી વહી ઉઠ્યા હતા અને નીચાણવાળા વિસ્તારોમાં પાણી ભરાઈ જવાથી ખેતરો પાણીમાં ગરકાવ થઈ ગયા હતા. ખેડૂતોના મહિનાઓની મહેનત પર પાણી ફરી વળ્યું હતું.

વ્યાપક વરસાદને કારણે ખેડૂતોના પાકને ભારે નુકસાન થયું હતુ ખેતરોમાં પાણી ભરાઈ જવાથી ઘણા પાક તદ્દન નાશ પામ્યા હતા .ખેડૂતોના મુજબ, આ નુકસાનને પહોંચી વળવું તેમના માટે ખૂબ મુશ્કેલ છે. રાજ્યના કૃષિ મંત્રી રાઘવજીભાઈ પટેલે આ વિસ્તારની મુલાકાત લઈને નુકસાનનું આંકલન કરવાની તંત્ર ને સૂચના આપી હતી.