સિવિલ હોસ્પિટલ ચોક બ્રિજ પાસે અજાણ્યા વૃદ્ધનો મૃતદેહ મળ્યો

સિવિલ હોસ્પિટલ ચોક પાસે ઓવર બ્રીજ પાસે એક અજાણ્યા વૃધ્ધનું મોત નિપજયું હતું.મળતી વિગત મુજબ, સીવીલ હોસ્પિટલ ચોક પાસે ઓવર બ્રીજ પાસે અજાણ્યા વૃધ્ધ (ઉ.વ.6પ) બેભાન હાલતમાં પડેલ હોઇ, કોઇ 108 માં જાણ કરતા 108 ની ટીમે સ્થળ પર પહોંચી ઇ.એમ.ટી. કોમલબેને તપાસ કરતા વૃધ્ધનું મૃત્યુ નિપજયુ હોવાનું જણાતા પોલીસને જાણ કરવામાં આવી હતી.બનાવની જાણ થતા પ્ર.નગર પોલીસ મથકના પીએસઆઇ જે. એમ. જાડેજા,રાઇટર દિવ્યેશભાઈ જાદવ અને સાગરભાઈ વાઘેલા સહિતનો સ્થળ પર પહોંચી વૃધ્ધના મૃતદેહને પીએમ માટે સીવીલ હોસ્પિટલમાં ખસેડાયા બાદ તેના વાલી વારસની શોધખોળ હાથ ધરી હતી. જો કોઇ આ વૃધ્ધના સગા-સંબંધી હોય તો પ્ર.નગર પોલીસ સ્ટેશન ફોન નં. 63પ96 ર740પ ઉપર સંપર્ક કરવા જણાવાયું છે.