મરઘા ગેંગના 12 સભ્યોના ઘરે સ્પેશીયલ ઇન્વેસ્ટીગેશન ટીમનું સર્ચ

ચાર પીએસઆઈ સહિત સ્પેશિયલ ટીમના 16 પોલીસ જવાનોએ મરઘા ગેંગની ગેરકાયદેસર મિલકત અને વાહનો અંગે તપાસ શરૂૂ કરી

શહેરના મંગળા રોડ પર જાહેરમાં અંધાધુંધ ફાયરીંગ મામલે પોલીસે ગુનેગારો ઉપર ધાક બેસાડવા માટે પેંડા ગેંગ અને મરઘા ગેંગ સામે ગુજસીટોક હેઠળ કાર્યવાહી કરી આ અંગેની તપાસમાં એસીપી ક્રાઈમ ભરત બી બસિયાના નિરીક્ષણ હેઠળ સ્પેશીયલ ઇન્વેસ્ટીગેશન ટીમને સોપવામાં આવી છે. મરઘા ગેંગના 21 સભ્યો સામે ગુજસીટોક હેઠળ ગુનો નોંધવામાં આવ્યા બાદ સ્પેશીયલ ઇન્વેસ્ટીગેશન ટીમે ગેંગના 12 સભ્યોની ધરપકડ કરી 10 દિવસના રિમાન્ડ ઉપર પુછપરછ શરૂૂ કરી છે. સ્પેશીયલ ઇન્વેસ્ટીગેશન ટીમની ચાર ટીમ મરઘા ગેંગના 12 સભ્યોને સાથે રાખી તમામના ઘરે સર્ચ ઓપરેશન શરૂૂ કરી મરઘા ગેંગના 12 સભ્યોની મિલકતો અને વાહનોની માહિતી મેળવવા કાર્યવાહી કરી છે. સ્પેશીયલ ઇન્વેસ્ટીગેશન ટીમ દ્વારા કાલે ગેંગના ચાર શખ્સોનો જેલમાંથી કબજો લઇ ચારેયના રિમાન્ડ મેળવશે.

સ્પેશીયલ ઇન્વેસ્ટીગેશન ટીમ દ્વારા ટોળકી સાથે સાંઠગાંઠ ધરાવતા અને આસરો આપનાર અને મદદગારી કરનારની તમામની વિગતો મેળવાઈ રહી છે. અને ટુક સમયમાં જ વધુ ધરપકડ કરવામાં આવશે. પોલીસ કમિશનર બ્રજેશકુમાર ઝા અને અધિક પોલીસ કમિશ્નર મહેન્દ્ર બગડીયા તેમજ ડીસીપી ક્રાઈમ જગદીશ બાંગરવાના માર્ગદર્શન હેઠળ સ્પે.ઈન્વેસ્ટીગેશન ટીમ (સીટ)ના વડા એસીપી ક્રાઈમ ભરત બી.બસીયા સાથે ચાર પીએસઆઈ સહીત ટીમના 15 પોલીસ જવાનોની નિમણૂંક કરવામાં આવી હોય મરઘા ગેંગના સભ્યો વિરૂૂધ્ધ સીટની ટીમે 10 દીવાના રિમાન્ડ મેળવી વધુ તપાસ શરૂૂ કરી છે. જેમાં ગેંગને હથિયારો સપ્લાયર તેમજ મદદગારી કરનારની વિગતો મેળવવાનું શરૂૂ કરાયું છે. મરઘા ગેંગના જંગલેશ્ર્વરના શાહજહા ઉર્ફે ગોટિયો સુલેમાન ઉર્ફે કાળુ વસીત, ઈરફાન ઉર્ફે મુન્નો ઉર્ફે જીમી આમદ જુણાચ, તેજીમ રફીક ફુકાર, મુજકીર ઉર્ફે મજુડો દિલાવર બ્લોચ, સરફરાજ ઉર્ફે સેફુડો ઈકબાલ ખેડારા, અહેમદ ઉર્ફે દુડી રફીક બકાલી, સતાર ઉર્ફે મેંગણી સીદીક દોઢિયા, અંજુમ ઈસ્માઈલ ખીયાણી, સમીર ઉર્ફે સિકંદર ચાનીયા, દિનેશ હકા રીબડીયા, હમીઝ ઉર્ફે ભાણો, હારૂૂન આમદ હેંરજા તેમજ અરમાન ઉર્ફે ચકી નાથાભાઇ સાંધને સાથે રાખી તમામના ઘર અને આશ્રય સ્થાનો ઉપર સર્ચ ઓપરેશન શરૂૂ કરવમાં આવ્યું છે.

તમામની મિલ્કત અને વાહનો અંગેની તપાસ શરુ કરી આગામી દિવસોમાં ગેરકાયદેસર મિલકત અને વાહનો જપ્ત કરવમાં આવશે જ્યારે ફાયરીંગના ગુનામાં જેલમાં રહેલા સમીર ઉર્ફે મરઘો યાસીમ પઠાણ, શાહનવાઝ ઉર્ફે નવાઝ મુસ્તાક વેતરણ, સાહિલ ઉર્ફે ભાણો સિકંદર ચાનીયા અને સલમાન ઉર્ફે નનકે ફકીરનો જેલમાંથી કબજો લેવા તજવીજ હાથ ધરાઈ છે. સ્પેશીયલ ઇન્વેસ્ટીગેશન ટીમના એસીપી ક્રાઈમ ભરત બસીયા સાથે ક્રાઈમ બ્રાંચના પીઆઈ એમ.આર. ગોંડલીયા, એમ.એલ.ડામોર, સી.એચ.જાદવ સાથે પીએસઆઈ ચંદ્રસિંહ જાડેજા સહિતના સ્ટાફે કામગીરી કરી છે.