ચોમાસું લંબાતા ગુજરાતમાં સર્પદંશના કેસો 6 વર્ષની ટોચે

31 ઓકટોબર સુધીમાં રાજ્યમાં 7947 લોકોને એરૂ આભડયો, વલસાડમાં સૌથી વધુ કેસ

આ વર્ષે રાજ્યમાં સર્પદશના તીવ્ર વધારો થયો છે, જે છેલ્લા છ વર્ષમાં સૌથી વધુ છે. 108 ઈએમઆરઆઈના ડેટા દર્શાવે છે કે સમગ્ર ગુજરાતમાં 31 ઓક્ટોબર સુધીમાં 7,947 સર્પદંશના કેસ નોંધાયા છે.108 ઈએમઆરઆઈના અધિકારીઓના જણાવ્યા અનુસાર, ચોમાસા દરમિયાન સર્પદંશના કેસ સામાન્ય રીતે વધે છે કારણ કે વરસાદી પાણી ખાડાઓ ભરે છે, જેના કારણે સાપ બહાર નીકળી જાય છે. જોકે, આ વર્ષે નવેમ્બરના પહેલા અઠવાડિયા સુધી વરસાદ ચાલુ રહ્યો, જેના કારણે કેસોની સંખ્યામાં વધારો થયો.

નિષ્ણાતો સમજાવે છે કે જ્યારે ખાડાઓ ભરાઈ જાય છે, ત્યારે સાપ ખોરાક (દેડકા, ઉંદર) અને આશ્રય શોધે છે, જે ઘણીવાર તેમને ઘરો અને ખેતરોની નજીક લાવે છે. પાછલા વર્ષોની સરખામણીમાં અમદાવાદમાં વધારો સ્પષ્ટ છે. શહેરમાં 2019માં 103, 2020માં 101, 2021માં 116, 2022માં 162, 2023માં 210 અને 2024માં 259 કેસ નોંધાયા હતા. આ વર્ષે 272 કેસ 2024ના કુલ કેસને વટાવી ગયા છે. શહેરની હોસ્પિટલોમાં પણ દર્દીઓમાં વધારો જોવા મળ્યો છે. સોલા સિવિલ હોસ્પિટલમાં ઓગસ્ટ અને ઓક્ટોબર વચ્ચે 141 સર્પદંશના કેસ સંભાળવામાં આવ્યા હતા, જેમાં 51 દર્દીઓ દાખલ થયા હતા. ઓપીડીમાં ઓગસ્ટમાં 41, સપ્ટેમ્બરમાં 55 અને ઓક્ટોબરમાં 31 કેસ નોંધાયા હતા.

રાજ્યવ્યાપી આંકડાઓમાં પણ સતત વધારો જોવા મળી રહ્યો છે, જે 2019 માં 5,017 કેસ હતા જે 2024માં 7,893 થયા છે. જિલ્લાવાર, વલસાડમાં રાજ્યમાં 591 સર્પદંશના સૌથી વધુ કેસ નોંધાયા છે. અમદાવાદ (272) સુરત (453), દાહોદ (412), ડાંગ (384), તાપી (380), છોટા ઉદેપુર (363), પંચમહાલ (343), કચ્છ (323), નર્મદા (321) અને વડોદરા (319) થી પાછળ છે.

કયા વર્ષે કેટલા કેસ?
વર્ષ કેસની સંખ્યા
2019 5,017
2020 5,311
2021 5,334
2022 6,334
2023 7,331
2024 7,893
2025 (31 ઓકટો.સુધી)