RTO દ્વારા બાઇક માટેની PL સિરીઝ જાહેર, સોમવારથી રજિસ્ટ્રેશનનો પ્રારંભ

પ્રાદેશિક વાહન વ્યવહાર કચેરી, રાજકોટ દ્વારા તમામ મોટર વાહન માલિકોને જણાવવામાં આવે છે કે, કચેરીમાં મોટર સાયકલ પ્રકારના વાહનોને લગતી GJ 03 PL સીરિઝનું ઓક્શન તા.13/10/2025 થી શરૂૂ કરવામાં આવનાર હોઈ GJ 03 PL તથા અગાઉની સીરીઝના બાકી રહેતા ગોલ્ડન-સીલ્વર નંબર મેળવવા માટે ઇચ્છુક વાહન માલિકો તેમના વાહનનું જ્ઞonlinehttp://parivahan.gov.in/fancy પર online રજીસ્ટ્રેશન કરી ઓકશનમાં ભાગ લઈ શકશે.

મોટર સાયકલની સીરિઝ GJ -03-PL તથા અગાઉની સીરીઝના બાકી રહેતા ગોલ્ડન-સીલ્વર નંબરનું ઓનલાઈન ઓકશન થશે. ઓક્શનમાં ગોલ્ડન-સીલ્વર તથા રેગ્યુલર નંબર મેળવવા માટે તા.13/10/2025 સાંજે 04:00 કલાક થી તા.16/10/2025 સાંજે 04:00 કલાક સુધી ઓનલાઇન એપ્લીકેશન કરવાની રહેશે. તેમજ તા.16/10/2025 સાંજે 04:01 કલાક થી તા.18/10/2025 ના સાંજે 04:00 કલાક સુધી ઓનલાઇન ઓકશનમાં બિડિંગ પ્રક્રિયા પૂર્ણ થયા બાદ તા.18/10/2025 સાંજે 04:15 ના રોજ પરીણામ ઓનલાઇન જાહેર થશે.

વાહન વેચાણ તારીખથી 7 દિવસ ની અંદર સી.એન.એ ફોર્મ ઓનલાઈન ભરેલ હોવું ફરજિયાત છે.સમય મર્યાદા બહારની અરજી માન્ય ગણવામાં આવશે નહી તેમ યાદીમાં જણાવ્યુ છે.