વડોદરાની હોસ્પિટલને કોરોના સમયે અપાયેલા 50 લાખના રોબોટ અદૃશ્ય

વૈશ્વિક મહામારી કોવિડ 19 વાયરસ આવ્યા બાદ વડોદરાની SSG-GMERS હોસ્પિટલમાં કોર્પોરેટ સોશિયલ રિસ્પોન્સિબિલિટી ઓથોરિટી દ્વારા કોરોના સંક્રમિત દર્દીઓની સારવાર માટે રૂૂપિયા 50 લાખના ખર્ચે રોબોટ વસાવવામાં આવ્યા, હાલ આ રોબોટ મિસ્ટર ઈન્ડિયા બની ગયા છે. લાખો રૂૂપિયાનો ધુમાડો કર્યા બાદ પણ રોબોટનો ઉપયોગ ક્યાં થયો એની કોઈ માહિતી નથી.

વડોદરાની SSG હોસ્પિટલમાં 3 અને GMERS હોસ્પિટલમાં 4 એમ મળી આઇસોલેશન વોર્ડમાં સારવાર લઇ રહેલાં કોવિડ પેશન્ટ માટે રાખવા કુલ 7 રોબોટ લવાયા હતા. જે રોબોટ સ્ક્રિનિંગ અને આઇસોલેશન વોર્ડમાં કોવિડ સંક્રમિત પેશન્ટ માટે દવા લઇ જવાનું કામ કરતા. કોમર્શિયલ કંપની દ્વારા SSG અને ગોત્રી GMERSમાં CSR ફંડથી 7 રોબોટ આપવામાં આવ્યા હતા. રોબોટ કોવિડ વોર્ડમાં દાખલ પેશન્ટને દવા-ભોજન આપવા સહિતનું કામ કરતા હતા.

આ રોબોટ બંને હોસ્પિટલમાં સારવાર હેઠળ કોવિડ પેશન્ટ અને સ્વજનોમાં આકર્ષણનું કેન્દ્ર બન્યાં, અને આગામી સમયમાં વધુ રોબોટ મૂકવામાં આવશે તેવી જાહેરાત પણ કરાઈ. હાલ, આ રોબોટ ક્યાં છે, કોઈને ખબર નથી. બંને હોસ્પિટલમાં ક્યાંય રોબોટ જોવામાં નથી આવ્યા. ત્યારે રૂૂપિયા 50 લાખના ખર્ચે ખરીદવામાં આવેલા આ રોબોટ નિષ્ફળ નીવડ્યા કે પછી બગડ્યા એ પણ એક મોટો સવાલ છે.

હાલ કોવિડ બાદ ચીનમાં ફરીથી નવા ઇંખઙટ વાયરસે હાહાકાર મચાવ્યો છે. ત્યારે આ વાયરસને લઈને સંક્રમણ વધુ ફેલાય નહિ તે માટે ફરીથી હોસ્પિટલોમાં તંત્ર સજ્જ બન્યું છે અને આઈસોલેશન વોર્ડ તૈયાર કરાશે. ત્યારે, લાખોના ખર્ચે વસાવેલા રોબોટ જોવા નથી મળી રહ્યા.