મનપા દ્વારા RMC CITIZEN એપનું લોન્ચિંગ

આધાર કેન્દ્રનું સરનામું અને તમામ માહિતી એક ક્લિકથી જાણી શકાશે

રાજકોટ મહાનગરપાલિકા દ્વારા આધારની કામગીરીનું વિકેન્દ્રીકરણ કરતા મહાનગરપાલિકાના તમામ વોર્ડ નંબર 1થી 18 ની વોર્ડ ઓફિસ ખાતે આધારની કામગીરી ચાલુ કરવામાં આવેલ છે, રાજકોટ શહેરના નાગરિકો પોતાના વોર્ડના આધાર કેન્દ્ર અંગેના સ્થળ વિશેની માહિતી મહાનગરપાલિકાની વેબસાઈટ https://www.rmc.gov.in અને રાજકોટ મહાનગરપાલિકાની મોબાઈલ એપ્લીકેશન RMC Citizen આ પરથી જાણી શકાશે તેમ, રાજકોટ મહાનગરપાલિકાના મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, મ્યુનિસિપલ કમિશનર તુષાર સુમેરા, શાસક પક્ષ નેતા લીલુબેન જાદવ અને શાસક પક્ષ દંડક મનીષભાઈ રાડીયા એક સંયુક્ત યાદીમાં જણાવ્યું હતું.

નાગરિકોને પોતાના ઘરથી નજીક આધાર લગત સેવા મળી રહે તે માટે ઘરે બેઠા નજીકના આધાર કેન્દ્રની વિગત જાણવા માટે રાજકોટ મહાનગરપાલિકાની વેબસાઈટ https://www.rmc.gov.in પર જઈને Miscellaneous વિભાગમાં RMC Offices, Aadhar Center પર ક્લિક કરવું, ત્યારબાદ અહીં દર્શાવેલ Zone Office, Ward Office, Civic Center, UHC, Library, Aadhar Center પર ક્લિક કરવાનું રહેશે. અહીં રાજકોટ મહાનગરપાલિકાના ત્રણેય ઝોન તથા તમામ 18 વોર્ડવાઇઝ આધારકેન્દ્રો ના મેપ લોકેશન દર્શાવેલ છે, અહીં દર્શાવેલ મેપ લોકેશન પૈકી અરજદાર પોતાની નજીકના આધારકેન્દ્રની વિગતો મેળવી આધારકેન્દ્રોની મુલાકાત લઇ શકે છે.

તદુપરાંત ગુગલ પ્લે સ્ટોર પરથી રાજકોટ મહાનગરપાલિકાની મોબાઈલ એપ્લીકેશન RMC Citizen આા ડાઉનલોડ કરીને અરજદારે પોતાના મોબાઇલ નંબરથી રજીસ્ટ્રેશન કરવાનું રહેશે. ત્યારબાદ Informationdp જઇને RMC Offices પર ક્લિક કરવું, અહીં આપેલ Zone Offices, City Civic Centers, Ward Offices, Libraries, Aadhar Centers પૈકી Aadhar Centers પર ક્લિક કરવાનું રહેશે. અહીં રાજકોટ મહાનગરપાલિકાના ત્રણેય ઝોન તથા તમામ 18 વોર્ડવાઇઝ આધારકેન્દ્રો ના મેપ લોકેશન દર્શાવેલ છે, અહીં દર્શાવેલ મેપ લોકેશન પૈકી અરજદાર પોતાની નજદીકના આધારકેન્દ્રમ શોધીને પોતે ઇચ્છુક આધાર કેન્દ્રણની મુલાકાત લઇ શકે છે.