રાજકોટ માર્કેટીંગ યાર્ડ 40 હજાર મણ કપાસની આવકથી ઉભરાયું

1050થી વધુ વાહનોમાં જણસીની આવક થતાં યાર્ડની બહાર વાહનોની લાંબી કતાર લાગી

રાજકોટ માર્કેટીંગ યાર્ડ ગુજરાતમાં મહત્વ પૂર્ણ કૃષિ બજારોમાની એક છે. જયાં ખેડૂતો દ્વારા તૈયાર થયેલ પાક વેચાણ માટે આવે છે. જ્યાં રોજેરોજ જણસીની આવક લય આવતાં વાહનોની લાંબી કતારો લાગે છે. આજે યાર્ડમાં 1050 થી વધુ વાહનો દ્વારા કપાસ, સોયાબીન, ઘંઉ, ચણા, લસણ, મગ, કાળા તલ, સફેદ તલ, સિંગફાડા અને જીંરૂની આવક થતાં પામી હતી. આજે કપાસની વધુ આવક થતાં સમગ્ર યાર્ડમાં સફેદીથી ચમકી ઉઠયું હતું.

આજે યાર્ડમાં કપાસની 40 હજાર મણ, સોયાબીનની 5800 મણ, ઘઉં 12 હજાર મણ, ચણા 5600 મણ, લસણ 2000 મણ, મગ 1200 મણ, સફેદ તલ 3500 મણ, જીરૂ 6200 મણ, સિંગફાડા 15000 મણ, કાળા તલની 2000 મણ આવક થવા પામી હતી.

આજે અંદાજે 1050 થી વધુ વાહનોમાં જણસીની આવક થતાં યાર્ડમાં વાહનોની અવર-જવર અને ગાડીઓમાંથી ઉત્તરતા પાકનાં ઢગલાઓએ બજારને જીવંત બનાવી દીધું હતું. યાર્ડમાં સૌથી વધુ કપાસની આવક થતાં ઠેર ઠેર કપાસના ઢગલાઓ જોવા મળ્યા હતાં.

જણસીઓ ભરેલા વાહનોને માર્કેટ યાર્ડમાં ક્રમવાર પ્રવેશ આપી ઉતરાઈ કરવામાં આવી હતી. રાજકોટ માર્કેટ યાર્ડના ચેરમેન જયેશભાઈ બોઘરા વાઈસ ચેરમેન તથા ડિરેકટરો સહિતનાં સ્ટાફ દ્વારા ઉતરાઈની વ્યવસ્થા કરવામાં આવી હતી.