રાજકોટ
સૌરાષ્ટ્ર | સુરેન્દ્રનગરમોરબીપોરબંદરજુનાગઢકચ્છઅમરેલીભાવનગર
ગુજરાતરાષ્ટ્રીયઆંતરરાષ્ટ્રીયવ્યવસાયવિશેષ અંકReligious
Advertisement

હળવદના ચરાડવામાં PGVCLના કર્મીને બીપી વધી જતા મગજની નસ ફાટી ગઇ

04:33 PM Mar 04, 2025 IST | Bhumika
featuredImage featuredImage
Advertisement

હળવદના ચરાડવા ગામે રહેતા અને ચલાડવા ગામે પીજીવીસીએલ ઓફિસે ફરજ બજાવતા આધેડનું બીપી વધી જતા મગજની નસ ફાટી ગઈ હતી. જેના કારણે બેભાન હાલતમાં મોત નીપજતા પરિવાર શોકમાં ગરકાવ થઈ ગયો હતો.
આ બનાવ અંગે પોલીસમાંથી જાણવા મળતી વિગત મુજબ હળવદના ચરાડવા ગામે રહેતા ભુપતભાઈ લાભુભાઈ થરેસા નામના 50 વર્ષ આધેડ ગત તા.24 ના રોજ બપોરના દોઢેક વાગ્યાના અરસામાં ચરાડવા પીજીવીસીએલ ઓફિસે હતા ત્યારે બેભાન હાલતમાં ઢળી પડતા તાત્કાલિક સારવાર માટે ચરાડવા અને મોરબી બાદ રાજકોટ સિવિલ હોસ્પિટલ ખાતે ખસેડવામાં આવ્યા હતા. જ્યાં સારવાર દરમિયાન ભુપતભાઈ થરેસાનું મોત નિપજતા પરિવારમાં અરેરાટી સાથે ગમગીની છવાઈ જવા પામી છે.

Advertisement

પ્રાથમિક પૂછપરછ ભુપતભાઈ થરેસા ત્રણ ભાઈ એક બહેનમાં વચેટ હતા અને તેમને સંતાનમાં બે પુત્ર અને એક પુત્રી છે ભુપતભાઈ થરેસા સફાઈ કર્મી હતા અને તેમનું બીપી વધી જતા મગજની નસ ફાટી જતા બેભાન હાલતમાં સારવાર માટે દાખલ કરાયા હતા પરંતુ સારવાર દરમિયાન મોત નીપજ્યું હોવાનું જાણવા મળ્યું છે. આ બનાવ અંગે હળવદ પોલીસે નોંધ કરી વધુ તપાસ હાથ ધરી છે.

Tags :
deathgujaratgujarat newsHalwadHalwad newsPGVCL employee
Advertisement
Advertisement