ગોંડલમાં ઓફિસમાં ચાલતી દારૂની મહેફિલમાં દરોડો: પાંચ પકડાયા
ગોંડલમાં ગુંદાળા રોડ પર આવેલી શ્રીજી એલ્યુમિનિયમની ઓફિસમાં રાત્રિના ચાલી રહેલી દારૂૂની મહેફિલ પર પોલીસે દરોડો પાડી ઓફિસ સંચાલક સહિત પાંચ શખસોને ઝડપી લીધા હતા. દરોડા દરમિયાન પોલીસે દારૂૂની અડધી બોટલ પ્લાસ્ટિકના ગ્લાસ અને બાઈટિંગની વસ્તુ સહિતના મુદ્દામાલ કબજે કર્યો હતો.
જાણવા મળતી વિગતો મુજબ, ગોંડલ બી ડિવિઝન પોલીસ સ્ટેશનના એએસઆઈ રમેશભાઈ પરમાર સહિતનો સ્ટાફ નાઇટ પેટ્રોલિંગમાં હતો દરમિયાન એવી બાતમી મળી હતી કે ગુંદાળા રોડ પર એસબીઆઈ એટીએમની સામે આવેલી શ્રીજી એલ્યુમિનિયમ ઓફિસની અંદર ઓફિસ સંચાલક દ્વારકેશ વઘાસિયા પોતાના મિત્રોને બોલાવી અહીં દારૂૂની મહેફીલનું આયોજન કર્યું છે.
પોલીસે આ બાતમીના આધારે અહીં પાંચ શખસો બેઠા હોય અને ટેબલ પર બેસીને દારૂૂની મહેફીલ માણતા હોવાનું નજરે પડ્યું હતું. પોલીસે અહીંથી દારૂૂની અડધી બોટલ, ખાલી ગ્લાસ વેફર-ચવાણું સહિતની વસ્તુઓ કબજે કરી હતી. અહીં દારૂૂની મહેફિલ મારનાર ઓફિસ સંચાલક દ્વારકેશ કાળુભાઈ વઘાસિયા, સાગર રમેશભાઈ ભલાળા, જયદીપ અશ્વિનભાઈ ભલાળા,સંદીપ વિઠ્ઠલભાઈ વઘાસિયા (રહે.ચારેય શિવરાજગઢ તા.ગોંડલ) અને અમિત કિશોરભાઈ વઘાસિયા (રહે. ગોંડલ જેતપુર રોડ શિવનગર)ને ઝડપી લીધા હતા. પોલીસે આરોપીઓ સામે અહીં દારૂૂની મહેફીલ માણવા અંગેનો ગુનો નોંધી કાયદેસરની કાર્યવાહી કરી હતી.