જગ્યારોકાણ વિભાગનો સપાટો, મુખ્યમાર્ગો પરથી 71 રેંકડી જપ્ત

લક્ષ્મીનગર નાલા પાસેથી 1745 કિલો સડેલ શાકભાજી-ફળોનો નાશ

મનપાના દબાણ હટાવ વિભાગ દ્વારા જાહેર માર્ગો પર નડતરરૂપ 71 રેકડી-કેબીન, 81 પરચુરણ માલસામાન તથા 1124 બોર્ડબેનર જપ્ત કરી લક્ષ્મીનગર નાલા સહિતના સ્થળેથી 1745 કિ.ગ્રા. વાસી ફળ અને શાકભાજીના જથ્થાનો નાશ કરવામાં આવ્યો હતો.

રાજકોટ મહાનગરપાલિકાની દબાણ હટાવ શાખા દ્વારા રાજકોટ શહેરમાં જુદી જુદી જગ્યાએ જાહેર માર્ગો પર દબાણ રૂૂપ એવા રેકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવેલ છે. રામાપીર ચોકડી, ગુંદાવાડી, જ્યુબેલી માર્કેટ, બજરંગવાડી, જામનગર રોડ, અશોક ગાર્ડેન, બુધવારી, ગાયત્રીનગર મેઈન રોડ, આહીર ચોક પાસેથી રસ્તા પર નડતર રૂૂપ 71 રેકડી/કેબીન જપ્ત કરવામાં આવી હતી, પંચાયત ચોક, ગોવિંદબાગ, નાના મૌવા મેઈન રોડ, આનંદ બંગલા ચોક, ખાદીભવન સામે, અર્ટીકા, રવિરત્ન પાર્ક, માધાપર ચોકડી, જામનગર રોડ, કોર્ટ ચોક, ગાયાત્રીનગર, હોસ્પિટલ ચોક, ગરૂૂડગરબી ચોક પરથી જુદીજુદી અન્ય 81 પરચુરણ ચીજ વસ્તુઓ જપ્ત કરવામાં આવેલ. વેસ્ટ ઝોન, પંચાયત ચોક, રામાપીર ચોકડી, પુષ્કરધામ મેઈન રોડ, માધાપર રિંગ રોડ, લક્ષ્મિનગર નાલા પાસેથી 1745 કિલો શાકભાજી/ફળ જપ્ત કરવામાં આવેલ. સ્પિડવેલ ચોક સુધી, સાધુવાસવાણી રોડ, ઢેબર રોડ, જામનગર રોડ, ટાગોર રોડ, રેસકોર્ષ રિંગરોડ, સંતકબીર રોડ પાસેથી 1124 બોર્ડ-બેનર જપ્ત કરેલા છે