ભાજપના પ્રમુખ પદે જગદીશ વિશ્ર્વકર્મા ફાઇનલ કે નવા ચહેરાને તક?

ચૂંટણી પ્રક્રિયાનો પ્રારંભ, એક જ ઉમેદવાર ફોર્મ ભરે તો બપોર બાદ બિનહરિફ પ્રમુખ જાહેર થશે

એકથી વધુ ફોર્મ ભરાય તો કાલે ચૂંટણી, રાષ્ટ્રીય પરિષદના 29 સભ્યો સહિત 292 મતદાર

ગુજરાત ભાજપનાં નવા અધ્યક્ષની ચૂંટણી માટે પ્રક્રિયા શરૂ થઇ ગઇ છે અને એકથી વધુ ઉમેદવારો ફોર્મ ભરે તો આવતીકાલે શનિવારે ચૂંટણી યોજાનાર છે ત્યારે ભાજપના પ્રમુખપદ માટે ચર્ચાઇ રહેલા નામોમાં જગદીશ પંચાલ લગભગ ફાઇનલ માનવામાં આવી રહયા છે. આ સિવાય મયંક નાયક, શંકર ચૌધરી, દેવુસિંહ ચૌહાણ પૈકી કોઇ એક બિનહરિફ થાય છે કે , પછી ભાજપ નવા જ નેતાને બેસાડી આશ્ર્ચર્ય સર્જશે ? તે અંગે અટકળો અને અનુમાનો શરૂ થયા છે. સંભવત આજે સાંજ સુધીમા બિનહરિફ પ્રમુખ જાહેર થઇ જવાની શકયતા વધુ છે.

ભાજપના પ્રદેશ પ્રમુખની ચૂંટણીને લઈને રાજકીય ગતિવિધિ ચરમસીમાએ છે. ગઈકાલે, 2 ઓક્ટોબરના રોજ, ભાજપના પ્રદેશ પ્રમુખ અને રાષ્ટ્રીય પરિષદના સભ્યોની ચૂંટણીનો કાર્યક્રમ જાહેર કરવામાં આવ્યો હતો, જેનાથી લાંબા સમયથી ચાલી આવતી અટકળોનો અંત આવ્યો હતો.આજે, 3 ઓક્ટોબરના રોજ, ગુજરાતના 292 રાજ્ય પરિષદના સભ્યો પ્રદેશ પ્રમુખ અને 29 રાષ્ટ્રીય પરિષદના સભ્યો છે , જે મતદાન કરશે. આ ચૂંટણી માત્ર ગુજરાત ભાજપનું ભવિષ્ય નક્કી કરશે નહીં પરંતુ રાષ્ટ્રીય સ્તરે ભાજપ નેતૃત્વની પસંદગીમાં પણ મહત્વપૂર્ણ ભૂમિકા ભજવશે.

ભાજપ અણધાર્યા નિર્ણયો સાથે રાજકીય વર્તુળોને આશ્ચર્યચકિત કરવા માટે જાણીતું છે. લોકપ્રિય નામોને બદલે નવા ચહેરાઓને પ્રોત્સાહન આપવાની ભાજપની પરંપરા આ વખતે પણ જોવા મળી શકે છે. વર્તમાન મુખ્યમંત્રી ભૂપેન્દ્ર પટેલ પાટીદાર સમુદાયના છે, તેથી પક્ષ સંતુલન જાળવવા માટે ઘઇઈ ના નેતાને પ્રદેશ પ્રમુખ તરીકે નિયુક્ત કરે તેવી શક્યતા છે. પક્ષના સૂત્રોના જણાવ્યા અનુસાર, આગામી વિધાનસભા ચૂંટણીને ધ્યાનમાં રાખીને, વિવિધ સમુદાયો તરફથી સમર્થન મેળવવા માટે આ નિર્ણય લેવામાં આવ્યો હોઈ શકે છે.

ગુજરાત ભાજપ રાજ્ય પરિષદના 292 સભ્યો આજે પ્રદેશ પ્રમુખની પસંદગી માટે મતદાન કરશે. આ સભ્યો રાષ્ટ્રીય પરિષદના 29 સભ્યોને પણ ચૂંટશે, જે રાષ્ટ્રીય અધ્યક્ષની ચૂંટણીમાં મુખ્ય ભૂમિકા ભજવશે. ભાજપની સંગઠનાત્મક ચૂંટણીઓ દર ત્રણ વર્ષે યોજાય છે, જેમાં બૂથ, મંડલ, જિલ્લા અને રાજ્ય સ્તરે ચૂંટણીઓ થાય છે. આ પ્રક્રિયા દેશભરના આશરે 50% રાજ્યોમાં પૂર્ણ થઈ છે, અને ગુજરાત 30મા ક્રમે છે. આ પહેલી વાર છે જ્યારે આ ચૂંટણી પ્રક્રિયા સમગ્ર ભારતમાં એકસાથે યોજાઈ રહી છે, જે ભાજપના સંગઠનાત્મક માળખાની તાકાત દર્શાવે છે.

મતદાનની જરૂર પડી તો કેન્દ્રીય ગૃહ અને સહકાર મંત્રી અમિત શાહ, કેન્દ્રીય મંત્રી મનસુખ માંડવિયા, મુખ્યમંત્રી ભૂપેન્દ્ર પટેલ, ધારાસભ્યો અને 300 થી વધુ પ્રભાવશાળી નેતાઓ આજની ચૂંટણી પ્રક્રિયામાં મતદાન કરશે.

છેલ્લા કેટલાક દિવસોથી ગાંધીનગરમાં ભાજપ મુખ્યાલય, કમલમ ખાતે શ્રેણીબદ્ધ બેઠકો ચાલી રહી છે. નવા નેતૃત્વની પસંદગી માટે ઉચ્ચ સ્તરે ચર્ચાઓ ચાલી રહી છે. પાર્ટીના નેતાઓ અને કાર્યકરો નવા પ્રદેશ પ્રમુખ તરીકે કોણ ઉભરી આવશે તે નક્કી કરવા માટે ઉત્સુક છે. આગામી વિધાનસભા ચૂંટણીઓને ધ્યાનમાં રાખીને આ ચૂંટણીને મહત્વપૂર્ણ માનવામાં આવે છે. ભાજપ કોંગ્રેસ સહિત વિપક્ષી પક્ષો સામે મજબૂત રણનીતિ બનાવવાની અને તેના સંગઠનને વધુ મજબૂત બનાવવાની તૈયારી કરી રહ્યું છે.