રાજકોટમાં ઇન્ડિગોએ ફલાઇટ શરૂ કરી, એરઇન્ડિયા દ્વારા પણ તૈયારી

ભારત-પાકિસ્તાન વચ્ચે ખેલાયેલ યુદ્ધના કારણે રાજકોટ સહિતના એરપોર્ટ બંધ કરાયા બાદ ગઇકાલથી તમામ એરપોર્ટ ખોલી નાખવામાં આવ્યા હતા પરંતુ વિમાની કંપનીઓના શેડયુઅલ નહીં ગોઠવાતા ગઇકાલે રાજકોટ એરપોર્ટ બંધ રહ્યુ હતુ. હવે આજે ઇન્ડિગોએ રાજકોટ સહિત છ એરપોર્ટ ઉપર ફલાઇટ શરૂ કરવાની જાહેરાત કરી છે. જયારે અન્ય એરલાઇન્સ કંપનીઓ પણ ધીરેધીરે ઓપરેશન શરૂ કરનાર હોવાનું જાણવા મળે છે.
ઇન્ડિગોએ જણાવ્યું કે જમ્મુ અને અમૃતસર સહિત છ એરપોર્ટ પરથી નિયમિત ફ્લાઇટ્સ આજે બુધવારથી ધીમે ધીમે ફરી શરૂૂ થશે. સોમવારે એરલાઇને મંગળવાર માટે જમ્મુ, અમૃતસર, ચંદીગઢ, લેહ, શ્રીનગર અને રાજકોટ જતી અને જતી ફ્લાઇટ્સ રદ કરી દીધી હતી.

ઇન્ડિગોએ સોશિયલ મીડિયા પ્લેટફોર્મ પડથ પર લખ્યું, જમ્મુ, અમૃતસર, ચંદીગઢ, લેહ, શ્રીનગર અને રાજકોટ માટે સુનિશ્ચિત કામગીરી 14 મે, 2025 થી ધીમે ધીમે ફરી શરૂૂ થશે. દરેક ફ્લાઇટ કાળજીપૂર્વક સંકલન સાથે શરૂૂ કરવામાં આવી રહી છે. દરેક યાત્રા સરળ અને સલામત રહે તેની ખાતરી કરવામાં આવી રહી છે.
માહિતી અનુસાર, એર ઇન્ડિયા પણ ખુલેલા એરપોર્ટ પર ફ્લાઇટ્સ ફરી શરૂૂ કરશે. મંગળવારે એર ઇન્ડિયા અને સ્પાઇસજેટે શ્રીનગર માટે ફ્લાઇટ્સ ફરી શરૂૂ કરી, જ્યારે એર ઇન્ડિયા એક્સપ્રેસે જમ્મુ માટે સેવાઓ શરૂૂ કરી. સ્પાઇસજેટના એક અધિકારીએ જણાવ્યું કે તે ટૂંક સમયમાં અન્ય ફરીથી ખુલેલા એરપોર્ટ પર ફ્લાઇટ્સ ફરી શરૂૂ કરશે.