શેરબજારમાં ગુજરાતી મહિલાઓની ભાગીદારી વિક્રમી 28%ની સપાટીએ

ગુજરાતની મહિલાઓએ નાણાકીય મોરચે મોટી હરણફાળ ભરી છે. શેરબજારમાં મહિલા રોકાણકારોની ભાગીદારી સર્વકાલીન ઊંચાઈ પર પહોંચી ગઈ છે. નેશનલ સ્ટોક એક્સચેન્જ (ગજઊ) દ્વારા સપ્ટેમ્બર 2025ના ડેટા મુજબ, રાજ્યમાં કુલ રોકાણકારોમાં મહિલાઓનો હિસ્સો 28% જેટલો છે, જે ગુજરાત માટે અત્યાર સુધીનો સૌથી મોટો આંકડો છે.

નાણાકીય બાબતોમાં ગુજરાત ભારતનાં સૌથી વધુ જાગૃત રાજ્યોમાંનું એક છે, જ્યાં કુલ 1.03 કરોડ સ્ટોક માર્કેટ રોકાણકારો છે. મહિલા રોકાણકારોનો 28% હિસ્સો રાષ્ટ્રીય સરેરાશ (24%) કરતાં પણ વધારે છે અને તે અગ્રણી રાજ્ય મહારાષ્ટ્ર (28.6%)ની બરાબરીમાં છે. આનાથી વિપરીત, એક કરોડથી વધુ રોકાણકારો ધરાવતા રાજ્યો પૈકીનું એક એવું ઉત્તર પ્રદેશ માત્ર 18% મહિલા ભાગીદારી સાથે ઘણું પાછળ છે.

માર્ચ 2023માં મહિલા રોકાણકારોની ભાગીદારી 26.6% હતી, જે સપ્ટેમ્બર 2025 સુધીમાં વધીને 28% થઈ ગઈ છે. આ સતત વૃદ્ધિ દર્શાવે છે કે ગુજરાતી પરિવારોમાં મહિલાઓ વધુને વધુ નાણાકીય નિર્ણય લેવાની જવાબદારી સંભાળી રહી છે.

મર્ચન્ટ બેંકર અને સ્ટોકબ્રોકર વનેશ પંચાલના મતે, ગુજરાતીઓ માટે શેરબજારમાં રોકાણ પેઢીઓ જૂની પરંપરા છે, અને તેમના માટે લિંગ એટલું મહત્વનું નથી. તેમણે જણાવ્યું કે, ઘણી નોકરી કરતી મહિલાઓ વર્ષોથી જઈંઙ (વ્યવસ્થિત રોકાણ યોજના) દ્વારા અથવા સીધા ઇક્વિટીમાં રોકાણ કરી રહી છે. મહામારી પછીની બજારની તેજી અને ઈંઙઘ બૂમે વધુ પરિવારોને ઇક્વિટી રોકાણ માટે પ્રોત્સાહિત કર્યા છે. ખાસ કરીને, ટ્રેડિંગ એપ્સે મહિલાઓ માટે બજારમાં ભાગ લેવાનું સરળ બનાવ્યું છે, જે ખરા અર્થમાં ગેમ-ચેન્જર સાબિત થયું છે. નષ્કર્ષરૂૂપે, ગુજરાતની મહિલાઓ હવે માત્ર બજારનો હિસ્સો નથી, પરંતુ તેઓ તેની વૃદ્ધિને પણ પ્રોત્સાહિત કરી રહી છે.