સુરતમાં ગમખ્વાર અકસ્માત: બેફામ લક્ઝરી બસે ૮ વાહનોને લીધા અડફેટે, એકનું મોત, 4 ઇજાગ્રસ્ત

રાજ્યમાં દિવસેને દિવસે અકસ્માતની સંખ્યામાં વધારો થાય છે. ત્યારે સુરતમાં વધુ એક અકસ્માતની ઘટના સામે આવી છે. સુરતના કામરેજ તોલ પ્લાઝા પાસે એક લક્ઝરી બસે એક પછી એક ૮ જેટલા વાહનોને અડફેટે લીધા હતા. અકસ્માતમાં એકનું મોત અને 4 લોકો ઈજાગ્રસ્ત થયા છે.અકસ્માત બાદ લોકોએ બસ ચાલકને ઝડપીને પોલીસને સોપ્યો હતો. હાલ આ સર્જાયેલા અકસ્માતમાં બે લોકોના મોત થયા હોવાની આશંકા છે.

મળતી માહિતી મુજબ સુરતના કામરેજમાં ટોલ પ્લાઝા પાસે એક લક્ઝરી બસે કર, બાઈક, રીક્ષા સહીત આઠ જેટલા વાહનોને અડફેટે લીધા હતા. આ બસ જામનગર થી સુરત આવી રહી હતી. હાલ આ અકસ્માતમાં 1નું મોત થયું છે. હાલ આ લોકોએ ડ્રાઈવરને ઝડપીને પોલીસને સોપ્યો હતો. હાલ પોલીસે બસ ચાલકની અટકાયત કરીને આગળની કાર્યવાહી હાથ ધરી છે.

સુરતમાં નેશનલ હાઇવે 48 પર લક્ઝરી બસ બેફામ બની હતી. કામરેજ ચાર રસ્તાથી ડ્રાઈવર વાહનોને ઉડાવતો-ઉડાવતો દાદા ભગવાન મંદિર સુધી આવ્યો હતો. જેમાં કાર, બાઈક, રિક્ષા સહિતનાં આશરે સાતથી આઠ વાહનોને અડફેટે લીધાં હતાં.