સિવિલમાં ઇમરર્જન્સી લીફટ અધ્ધવચ્ચે અટકી, દર્દી-સગા ફસાયા

રાજકોટ સિવિલ હોસ્પિટલ તેની સેવા અને અન્ય ઘટનાઓને લઇને છાશવારે વિવાદમાં આવી રહી છે. ત્યારે જયાં દૈનિક હજારો દર્દી ઉપયોગ કરે છે. તે ઇમરજન્સી વિભાગની લીફટ સોમવારે સાંજે અચાનક અધ્ધવચ્ચે જ બંધ પડી ગઇ હતી.

જેમાં દર્દીઓ અને તેના સગા પણ ફસાયા ગયા હતા. આ ઘટનાની જાણ થતા ત્યાંનો સિક્યોરિટી સ્ટાફ તાત્કાલીક દોડી આવ્યો હતો અને મહામહેનતે લીફટના દરવાજો ખોલી દર્દી અને સગાને બહાર કાઢયા હતા. આ સમયે સ્ટ્રચર પર સૂતેલા દર્દીને બહાર કાઢવા માટે સિક્યોરિટી સ્ટાફને પણ પરસેવો છૂટી ગયો હતો. જોકે, આ બાબતે ઉચ્ચ અધિકારીઓ અજાણ હોવાનું જણાવ્યુ હતું. આ ઘટનાનો વીડિયો પણ સોશિયલ મીડિયામાં વાયરલ થયો હતો. (તસવીર: મુકેશ રાઠોડ)