વિદ્યાસહાયક ભરતીમાં ધો.1થી 5ના ઉમેદવારોની ગુરુવારથી જિલ્લા પસંદગી
રાજ્યમાં સ્થગિત થયેલી વિદ્યાસહાયકની ભરતીને લઈ મોટા સમાચાર આવ્યા છે. વિદ્યાસહાયકની ભરતીનાં ઉમેદવારો કોલ-લેટર ડાઉનલોડ કરી શકશે.
રાજ્યમાં શિક્ષણ વિભાગે થોડા દિવસ પહેલા ધો. 1 થી 5 માટે વિદ્યાસહાયકની ભરતી પસંદગી પ્રક્રિયા રદ કરવાનો નિર્ણય કર્યો હતો. જો કે, હવે વિદ્યાસહાયકની ભરતીનાં ઉમેદવારો માટે મહત્ત્વનાં સમાચાર આવ્યા છે. આ ભરતીની રાહ જોતા ઉમેદવારો કોલ-લેટર ડાઉનલોડ કરી શકશે. વિભાગનાં જાણવા મુજબ, અગાઉ 17 મે, 2025 નાં રોજ મુકવામાં આવેલ મેરીટ મુજબનાં ઉમેદવારો 2 જૂન, 2025 ના રોજ 18:00 (સાંજે 6 વાગ્યાથી) થી સત્તાવાર વેબસાઇટ પરથી પોતાનાં કોલ-લેટર ઓનલાઇન ડાઉનલોડ કરી શકશે.
વિદ્યાસહાયક ભરતી-2024 (ધો. 1 થી 5 ગુજરાતી માધ્યમ) માં આ ઉમેદવારોને 5 થી 28 જૂન જિલ્લા પસંદગી માટે બોલાવવામાં આવ્યા છે. આ અંગેની તારીખ, સમય અને સ્થળની માહિતી ઉમેદવારનાં કોલ-લેટરમાં દર્શાવવામાં આવી છે. જિલ્લા પસંદગીની કાર્યવાહી માટે ઉમેદવારોએ સત્તાવાર વેબસાઇટ પરથી ઓનલાઇન કોલ-લેટર મેળવી લેવાનાં રહેશે. અન્ય કોઈ પ્રકારે કોલ લેટર મોકલવામાં આવશે નહીં.
