હાઇવે પર જોખમી સ્ટંટ અને હથિયાર સાથે ડાન્સ કરતા વીડિયો વાઇરલ

શહેરમાં જોખમી સ્ટંટ કરી લોકોના જીવ સાથે ચેડા કરતા અને હથિયારો સાથે યુવાનોના વિડીયા અવાર-નવાર સામે આવતા રહે છે.ત્યારે આવા જ વધુ બે વિડીયો વાઇરલ થયા છે. જેમાં હાઇ-વે પર જોખમી સ્ટંટ અને પ્રસંગમાં હથિયાર સાથે ડાન્સ કરતા યુવાનોનો વિડીયો વાઇરલ થતા પોલીસ દોડતી થઇ છે.

પ્રથમ વિડીયોમાં હાઇ-વે પર બે બાઇક ચાલકો જોખમી સ્ટંટ કરતા નજરે પડે છે. જેમાં બીજા બાઇક ઉપર ત્રિપલ સવારીમાં જોખમી સ્ટંટ કરતી વેળાએ ચાલકે સ્ટીયરીંગ પરથી કાબૂ ગુમાવતા બાઇક સ્લીપ થઇ જતાં સ્ટંટ કરવા ભારે પડ્યા હતા. જ્યારે બીજા વિડીયોમાં કોઇ પ્રસંગમાં એક શખ્સ હાથમાં બંદૂક જેવા હથિયાર સાથે ડાન્સ કરતો દેખાઇ રહ્યો છે. બંને વિડીયો કઇ જગ્યાના છે? તે જાણી શકાયું નથી. જો કે, રાજકોટના કોઇ વિસ્તારના હોવાનું સોશિયલ મીડિયા પર દર્શાવવામાં આવતા પોલીસે વાઇરલ વિડીયોને લઇ તપાસનો ધમધમાટ શરૂ કર્યો છે.