ભાડૂઆતની નોંધણી ન કરનાર 850 મકાન માલિકો સામે ગુનો

બાંગ્લાદેશી ઇમિગ્રન્ટસ અને ISKP આતંકવાદી મોડયૂલના પર્દાફાશ બાદ અમદાવાદ ગ્રામ્ય પોલીસની કાર્યવાહી

અમદાવાદ ગ્રામ્યમાં પોલીસ યોગ્ય ભાડૂઆત ચકાસણી વિના જગ્યા ભાડે આપનારા મકાનમાલિકો, ગેસ્ટહાઉસ સંચાલકો અને હોટેલ માલિકો સામે કડક કાર્યવાહી કરી રહી છે. આ કાર્યવાહી ગુજરાત ATS દ્વારા ગેરકાયદેસર બાંગ્લાદેશી ઇમિગ્રન્ટ્સને દૂર કરવા અને ISKP આતંકવાદી મોડ્યુલના પર્દાફાશને પગલે કરવામાં આવી છે.
જે મકાનમાલિકોએ પોતાનું મકાન ભાડે દીધું છે અથવા આપવાની તૈયારી કરી રહ્યા છે તેમણે ભાડૂઆતોને પોલીસમાં નોંધણી કરાવવી પડશે નહીંતર ભારતીય ન્યાય સંહિતા (BNS) ની કલમ 223 હેઠળ કડક કાર્યવાહીનો સામનો કરવો પડશે.

અધિકારીઓએ ચેતવણી આપી છે કે જે કોઈ પણ ભાડૂઆતો અથવા મહેમાનોને અધિકૃત ઓળખપત્ર તપાસ વિના રહેવા દેશે, અથવા સ્થાનિક પોલીસમાં તેમનું રજિસ્ટ્રેશન કરાવવામાં નિષ્ફળ જશે, તેમને કડક કાર્યવાહીનો સામનો કરવો પડશે. આ કાર્યવાહીનો હેતુ ગુનાહિત અથવા આતંકવાદી લિંક ધરાવતા વ્યક્તિઓને સામાન્ય રહેવાસીઓ તરીકે ઓળખાવતા સ્થાયી થવાથી રોકવાનો છે. ભૂતકાળની તપાસમાં જાણવા મળ્યું છે કે અસામાજિક તત્વો, સાયબર ક્રાઈમ ઓપરેટિવ્સ અને આતંકવાદી સ્લીપર-સેલના સભ્યો પણ ભાડાની મિલકતોનો ઉપયોગ સુરક્ષિત ઘરો તરીકે કરતા હતા.

વારંવાર પોલીસ સૂચનાઓ છતાં, મકાનમાલિકો દ્વારા પાલન કરાતુ ન હતુ . પરંતુ હવે અમદાવાદ ગ્રામ્યમા 20 પોલીસ ટીમોએ ભાડાના મકાનોમાં ઘરે ઘરે તપાસ શરૂૂ કરી છે. માત્ર 2025 ના પ્રથમ દસ મહિનામાં, લગભગ 850 મકાનમાલિકો, જેમાં ફ્લેટ, બંગલા અને ટેનામેન્ટ ધરાવતા લોકોનો સમાવેશ થાય છે, ભાડૂઆતોની નોંધણી કરવામાં નિષ્ફળ રહેવા બદલ ઇગજ ની કલમ 223 હેઠળ કેસ નોંધવામાં આવ્યો છે. એકલા બોપલ પોલીસ સ્ટેશનના અધિકારક્ષેત્રમાં 64 કેસ નોંધાયા છે. મંગળવારે એક જ દિવસમાં સાત મકાનમાલિકો પર કેસ નોંધાયા હતા.

એસપી અમદાવાદ ગ્રામ્ય ઓમ પ્રકાશ જાટે મિરરને જણાવ્યું હતું કે ગેરકાયદેસર બાંગ્લાદેશી ઇમિગ્રન્ટ્સ પર મોટી કાર્યવાહી બાદ આ કાર્યવાહી શરૂૂ થઈ હતી પરંતુ ઈંજઊંઙ આતંકવાદી મોડ્યુલની અઝજ દ્વારા ધરપકડ બાદ તેને વધુ તીવ્ર બનાવવામાં આવી હતી.