રાજકોટ માર્કેટિંગ યાર્ડમાં કપાસની મબલક આવક

રાજકોટ માર્કેટીંગ યાર્ડ ગુજરાતના મહત્વ પૂર્ણ કૃષિ બજારોમાની એક છે. જયા ખેડૂતો દ્વારા તૈયાર થયેલ જણસીઓ વેચાણ માટે લાવવામાં આવે છે. જેમાં આજે કપાસ, સોયાબીન, ઘઉં, ચણા, લસણ, મગ, કાળા તલ, સફેદ, તલ અને જીરૂના પાકની મબલક આવક થવા પામી હતી. આજે કપાસની મબલક આવક થતાં ઠેર ઠેર કપાસની ગાસડીઓ જોવા મળી રહી હતી. આજે અંદાજે 1100 થી વધુ વાહનોમાં જણસીની આવક થતાં યાર્ડમાં વાહનોની અવરજવર અને ગાડીઓમાંથી ઉતરતા પાકના ઢગલાઓથી યાર્ડ જીવંત બન્યું હતું. યાર્ડમાં સૌથી વધુ કપાસની 43 હજાર મણની આવક નોંધાઈ હતી. યાર્ડમાં ઠેર ઠેર જણસીઓના ઢગલાઓ જોવા મળી રહ્યા હતાં.

આ ઉપરાંત સોયાબીન 6500 મણ, ઘઉં 6000 મણ, ચણા 6800 મણ, લસણ 4000 મણ, મગ 1500 મણ, સફેદ તલ 11000 મણ, જીરૂ 3300 મણ, કાળા તલ 3500 મણ આવક થવા પામી હતી. જણસીઓ ભરેલા વાહનોને માર્કેટ યાર્ડમાં ક્રમવાર પ્રવેશ આપી ઉતરાઈ કરવામાં આવી હતી. રાજકોટ માર્કેટ યાર્ડના ચેરમેન જયેશભાઈ બોઘરા વાઈસ ચેરમેન તથા ડિરેકટરો સહિતના સ્ટાફે દ્વારા ઉતરાઈની વ્યવસ્થા કરવામાં આવી હતી.