કોમનવેલ્થની ટીમ અમદાવાદમાં, યજમાની આપતા પહેલાં ચકાસણી

કોમનવેલ્થ સ્પોર્ટના ડિરેક્ટર ડેરેન હોલના નેતૃત્વમાં અધિકારીઓની એક ટીમ કાલે અમદાવાદ આવી હતી, જે રમતગમતના સ્થળોનું નિરીક્ષણ કરવા અને ગુજરાત સરકારના અધિકારીઓને મળવા પહોંચી હતી. અમદાવાદ 2030 કોમનવેલ્થ ગેમ્સનું પ્રસ્તાવિત યજમાન છે. ટીમ ત્રણ દિવસ શહેરમાં રહેશે. ટીમ રવિવારે દિલ્હી પહોંચી હતી. ઘટનાક્રમથી વાકેફ એક અધિકારીએ પુષ્ટિ આપી હતી કે કોમનવેલ્થ સ્પોર્ટ (અગાઉ કોમનવેલ્થ ગેમ્સ ફેડરેશન તરીકે ઓળખાતી) ની એક ટીમ 5 થી 7 ઓગસ્ટ દરમિયાન અમદાવાદની મુલાકાત લેવાની હતી.

મુલાકાતી ટીમ નવી દિલ્હીમાં ભારતીય ઓલિમ્પિક એસોસિએશન (IOA) ના અધિકારીઓને મળી હતી. આ મહિનાના અંતમાં કોમનવેલ્થ સ્પોર્ટનું એક મોટું પ્રતિનિધિમંડળ મુલાકાત લેશે, અધિકારીએ ઉમેર્યું. ગયા મહિને કેનેડાએ બિડિંગ રેસમાંથી ખસી ગયા પછી ભારતને 2030 કોમનવેલ્થ ગેમ્સ મેળવવાની શક્યતાઓ વધુ ઉજળી બની છે. ભારતે 2030 કોમનવેલ્થ ગેમ્સનું આયોજન કરવા માટે રસની અભિવ્યક્તિ રજૂ કરી છે જેમાં અમદાવાદને યજમાન શહેર તરીકે પસંદ કરવામાં આવ્યું છે. પરંતુ દેશે 31 ઓગસ્ટની અંતિમ તારીખ પહેલાં અંતિમ બિડ માટે દરખાસ્તો સબમિટ કરવાની રહેશે. કોમનવેલ્થ સ્પોર્ટની જનરલ એસેમ્બલી નવેમ્બરના છેલ્લા અઠવાડિયામાં ગ્લાસગોમાં યજમાન દેશનો નિર્ણય લેશે. યજમાન પસંદગી ટકાઉપણું, એથ્લેટિક સેન્ટર, પ્રાદેશિક અપીલના સંદર્ભમાં સુગમતા પર આધારિત હશે, યજમાન રાષ્ટ્રોના સંદર્ભમાં સુગમતા હોવી જરૂૂરી છે એમ ઈંઘઅ એક્ઝિક્યુટિવ સભ્ય અને કોમનવેલ્થ સ્પોર્ટ્સની સ્પોર્ટ્સ કમિટીના સભ્ય હરપાલ સિંહે જણાવ્યું હતું.