લાલપુરના મેઘપર ગામમાંથી અજાણ્યા યુવાનનો મૃતદેહ મળ્યો

મૃતકના વાલીઓની શોધખોળ કરતી પોલીસ

જામનગર જિલ્લાના લાલપુર તાલુકાના મેઘપર ગામમાંથી 35 વર્ષની વયના એક અજ્ઞાત પુરુષનો મૃતદેહ મળી આવ્યો છે. જે મામલે મેઘપર પોલીસે વધુ તપાસ શરૂૂ કરી છે.

લાલપુર તાલુકાના મેઘપર ગામમાં રવિવારે ભરાતી બજારના ખુલ્લા ગ્રાઉન્ડમાં ગઈકાલે આશરે 35 વર્ષની વયના અજ્ઞાત પુરુષનો મૃતદેહ પડ્યો હોવાની માહિતી હેમતસિંહ લાલુભા જાડેજા નામના વ્યક્તિએ મેઘપર પોલીસને આપી હતી.

આથી મેઘપર પોલીસ સ્ટેશનના પોલીસ હેડ કોન્સ્ટેબલ એલ.જી. જાડેજા બનાવના સ્થળ પહોંચી ગયા હતા, અને મૃતદેહ નો કબજો સંભાળી પોસ્ટમોર્ટમ કરાવ્યું છે, જ્યારે મૃતક ની ઓળખ કરવા માટે મૃતદેહને જી.જી. હોસ્પિટલ ના કોલ્ડ રૂૂમમાં રાખ્યો છે.