પડધરીના દોમડામાં બહેનના ઘેર ભાઈનો ઝેર પી આપઘાતનો પ્રયાસ

જૂનાગઢમાં વૃદ્ધે એસિડ પી લેતા સારવારમાં ખસેડાયા

પડધરી તાલુકાના દોમડા ભાયુના ગામે રહેતો યુવાન દોમડા ગામે બહેનના ઘરે હતો. ત્યારે કોઈ અગમ્ય કારણસર ઝેરી દવા પી લીધી હતી. યુવકને ઝેરી અસર થતા સારવાર માટે રાજકોટ ખસેડવામાં આવ્યો હતો. આ બનાવ અંગે પોલીસમાંથી જાણવા મળતી વિગત મુજબ પડધરી તાલુકાના દોમડા ભાયુના ગામે રહેતા ગોલુ સાગરસિંગ શ્રીનાવા નામનો 19 વર્ષનો યુવાન સાંજના સાડા સાતેક વાગ્યાના અરસામાં દોમડા ગામે રહેતી તેની બહેન રેખાબેન પ્રકાશભાઈ ભાસ્કરના ઘરે હતો.

ત્યારે કોઈ અગમ્ય કારણસર ઝેરી દવા પી લીધી હતી. યુવકને ઝેરી અસર થતા તાત્કાલિક સારવાર માટે મેટોડા બાદ રાજકોટ સિવિલ હોસ્પિટલમાં દાખલ કરવામાં આવ્યો હતો. આ ઉપરાંત અન્ય બીજા બનાવમાં જુનાગઢમાં મજેવડી દરવાજા નજીક ભારત મિલ પાસે રહેતા હુસેનભાઈ ઉંમરખાન શેરવાની નામના 60 વર્ષના વૃદ્ધ પોતાના ઘરે હતા. ત્યારે એસિડ પી લીધું હતું. વૃદ્ધને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતા ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.