આઠ વર્ષના બાળકને ચીભડા લેતી વેળા વીજ આંચકો લાગતાં મોત

જામનગર જિલ્લાના જામજોધપુર તાલુકા ના સીદસર ગામમાં રહીને ખેત મજૂરી કામ કરતા પર પ્રાંતિય શ્રમિક પરિવારના આઠ વર્ષના બાળકને વાડીમાં ચીભડા ઉતારવા જતાં વીજ આંચકો લાગવાથી તેનું મૃત્યુ નીપજ્યું છે.
આ બનાવની વિગતો એવી છે કે મૂળ મહારાષ્ટ્ર રાજ્યના ધુલિયા ના વતની અને હાલ જામજોધપુર તાલુકાના સીદસર ગામના હરિસિંહ વાળા ની વાડીમાં રહીને ખેત મજૂરી કામ કરતા દિનેશભાઈ રાયસીંગભાઇ આદિવાસી શ્રમિક ના 7 વર્ષના પુત્ર અમલ (7),કે જે ગઈકાલે વાડીમાં ચીભડા લેવા માટે ગયો હતો, જે દરમિયાન તેને પાણીની કુંડી પાસે ઇલેક્ટ્રિક સ્ટાર્ટર માંથી એકાએક વીજ આંચકો લાગ્યો હતો અને તેનું મૃત્યુ નિપજ્યું છે. આ બનાવ અંગે મૃતક ના પિતા દિનેશભાઈ એ પોલીસને જાણ કરતાં જામજોધપુર પોલીસે મૃતદેહનો કબજો સંભાળી વધુ તપાસ હાથ ધરી છે.