રતનપરના પાટિયા પાસેથી કારમાં બીયર લઈ નીકળેલો પૂજારી ઝડપાયો

15 બીયરના ટીન અને કાર મળી કુલ રૂા. 1.01 લાખનો મુદ્દામાલ કબજે

શહેરની ભાગોળે મોરબી રોડ પર રતનપર ગામના પાટિયા પાસેથી પોલીસે કારમાં બીયરના ટીન લઈ નિકળેલા પૂજારીને ઝડપી પાડી 15 બિયર અને કાર મળી રૂા. 1.01 લાખનો મુદ્દામાલ કબ્જે કર્યો હતો.

જાણવા મળતી વિગત મુજબ કુવાડવા રોડ પોલીસ મથકના એએસઆઈ કે.વી. જાડેજા, હેડ કોન્સ. ડી.વી. પરમાર સહિતનો સ્ટાફ પેટ્રોલીંગમાં હતો દરમિયાન મોરબી તરફથી આવતી કારમાં બીયરનો જથ્થો હોવાની બાતમીના આધારે પોલીસે રતનપરના પાટિયા પાસે વોચ ગોઠવી હતી. ત્યાથી પસાર થતી કારને અટકાવી તલાશી લેતા બીયરના ટીન નં. 15 (કિ. 1500) મળી આવતા પોલીસે કારચાલક પૂજારી મોહીત મનુભાઈ ધુરેજિયા (રે. મહેશ્ર્વરી આશ્રમ, રતનપર)ની ધરપકડ કરી બીયર અને કાર મળી કુલ રૂા. 1,01,500નો મુદ્દામાલ કબ્જે કરી દોરણસરની કાર્યવાહી હાથ ધરી છે.