પડધરીના મોટી ચણોલની યુવતીનો ઝેરી દવા પી આપઘાત

પડધરીના મોટીચણોલ ગામની યુવતિએ ગઈકાલે સવારના સમયે ઝેરી દવા પી લેતા તેમને સારવાર અર્થે રાજકોટની સિવિલહ ોસ્પિટલમાં ખસેડવામાં આવી હતી. જ્યાં તેમનું સારવાર દરમિયાન મોત નિપજ્યું હતું.
મળતી વિગત મુજબ મોટી ચણોલ ગામે રહેતા રાજેશ્ર્વરીબા શૈલેન્દ્રસિંહ જાડેજા નામના 19 વર્ષની યુવતિએ ગઈકાલે સવારે પોતાના ઘરે ઝેરી દવા પી લેતા તેમને બેભાન અવસ્થામાં સારવાર અર્થે રાજકોટની સિવિલહોસ્પિટલમાં ખસેડવામાં આવી હતી.

જ્યાં તેણીને સારવાર દરમિયાન રાત્રીના સમયે મોત નિપજ્યું હતું.રાજેશ્ર્વરીબા એક ભાઈની એકની એક બહેન હતી. તેમના પિતા ખેતીકામ કરે છે. તેમજ પોતે કોલેજ સુધીનો અભ્યાસ કર્યો હોવાનું જાણવા મળી રહ્યું છે.
રાજેશ્ર્વરી બાએ કયાકારણોસર આપઘાત કર્યો તે અંગે હાલ પડધરી પોલીસ તપાસ કરી રહી છે.