જસદણના બોઘરાવદર ગામે હોસ્ટેલમાં ઝેરી દવા પી ધો. 12ના છાત્રનો આપઘાત
પિતાને પેટમાં દુ:ખાવાનું કહેતા સગીરને સારવારમાં ખસેડતા ઝેર પીધાનું ખુલ્યુ’તુ : પરિવાર શોક મગ્ન
રાજકોટમા કાલાવાડ રોડ પર આવેલ રામનગર સોસાયટીમા રહેતા અને જસદણનાં બોઘરાવદર ગામે હોસ્ટેલમા રહી ધો. 12 મા અભ્યાસ કરતા વિધાર્થી કોઇ અગમ્ય કારણસર ઝેરી દવા પી લીધી હતી. સગીરનુ સારવાર બાદ મોત નીપજતા પરીવારમા ગમગીની છવાઇ જવા પામી છે.
આ બનાવ અંગે પોલીસમાથી જાણવા મળતી વિગત મુજબ રાજકોટમા કાલાવાડ રોડ પર આવેલ રામનગર સોસાયટીમા રહેતા અને જસદણનાં બોઘરાવદર ગામે હોસ્ટેલમા રહી ધો. 12 મા અભ્યાસ કરતા જયપાલ દીનેશભાઇ ગાબુ નામનો 17 વર્ષનો સગીર દસેક દિવસ પહેલા બોઘરાવદર ગામે હોસ્ટેલમા હતો . ત્યારે ઝેરી દવા પી લીધી હતી. સગીરને ઝેરી અસર થતા તાત્કાલીક સારવાર માટે રાજકોટ સિવીલ હોસ્પીટલમા ખસેડવામા આવ્યો હતો . જયા સગીરનુ ટુકી સારવાર દરમ્યાન મોત નીપજતા પરીવારમા અરેરાટી સાથે ગમગીની છવાઇ જવા પામી હતી.
પ્રાથમીક પુછપરછમા મૃતક જયપાલ ગાબુ માતા-પિતાનો આધારસ્થંભ અને એકની એક બહેનનો એકનો એક ભાઇ હતો . જયપાલ ગાબુ ધો. 8 થી બોઘરાવદર ગામે આવેલી હોસ્ટેલમા રહી અભ્યાસ કરતો હતો . અને હાલ ધો. 12 મા અભ્યાસ કરતો પરંતુ કોઇ અગમ્ય કારણસર ઝેરી દવા પી લીધા બાદ પિતાને પેટનાં દુખાવાનુ કહેતા સારવારમા ખસેડાયો હતો . જયા સગીરે ઝેરી દવા પી લીધી હોવાનુ ખુલ્યુ હતુ . આ બનાવ અંગે પોલીસે નોંધ કરી વધુ તપાસ હાથ ધરી છે.
