રાજકોટ યાર્ડમાં 60 હજાર મણ મગફળીની આવક

રાજકોટ માર્કેટીંગ યાર્ડમા આજે ગુરૂવારના રોજ 1200 થી વધુ વાહનોમા મગફળી, સોયાબીન, કપાસ , ઘઉ , ચણા, લસણ, મગ, કાળા તલ, સફેદ તલ, સિંગ ફાડા અને જીરૂની જણસીની મબલક આવક થઇ હતી . આજે મગફળી 60000 મણ, સોયાબીન 27000 મણ, કપાસ 27500 મણ , ઘંઉ 7500 મણ, ચણા 8500 મણ, લસણ 6000 મણ , મગ 6000 મણ, સફેદ તલની 10500 મણ, સિંગ ફાડા 8000 મણ, જીરૂ 2700 મણ કાળાતલ 2300 મણ આવક થવા પામી હતી . જણસીઓ ભરેલા વાહનોની સવારથી લાંબી લાઇનો લાગી હતી. માર્કેટીંગ યાર્ડમા જણસી ભરેલા વાહનોને ક્રમવાર પ્રવેશ આપી ઉતરાઇ કરવામા આવી હતી રાજકોટ યાર્ડનાં ચેરમેન જયેશભાઇ બોઘરા વાઇસ ચેરમેન તથા ડિરેકટરઓ સહિતનાં સ્ટાફ દ્વારા ઉતરાઇની વ્યવસ્થા કરવામા આવી હતી.