ગુજરાતની 3 મેડિકલ કોલેજોની 250 બેઠક કાપી લેવાઇ
નેશનલ મેડિકલ કમિશન દ્વારા તાજેતરમાં દેશની જુદી જુદી મેડિકલ કોલેજોમાં કરવામાં આવેલી તપાસના સંદર્ભમાં દેશભરની અંદાજે 700થી વધુ કોલેજોની 6 હજારથી વધારે બેઠકો કાપી લેવાની જાહેરાત કરવામાં આવી છે. જેમાં ગુજરાતની જુદી જુદી કુલ ત્રણ મેડિકલ કોલેજોની 250 બેઠકોનો પણ સમાવેશ થાય છે. જેમાં કલોલની સ્વામિનારાયણ મેડિકલ કોલેજની બેઠક શૂન્ય કરી દેવાની જાહેરાત પણ કરવામાં આવી છે. આમ, ચાલુ વર્ષે મેડિકલમાં પ્રવેશ લેવા ઇચ્છતા વિદ્યાર્થીઓને બેઠકોનું નુકસાન સહન કરવું પડે તેવી સ્થિતિ જોવા મળી રહી છે.
ગખઈ દ્વારા તાજેતરમાં મેડિકલમાં કોલેજમાં તપાસ શરૂૂ કરાઈ હતી. આ મેડિકલ કોલેજોમાં જુદા જુદા પ્રકારની ક્ષતિઓ જેવી કે અધ્યાપકોની ઘટ, માળખાકીય સુવિદ્યાઓનો અભાવ, ખોટી વિગતો દર્શાવવી, હોસ્પિટલની અપૂરતી વ્યવસ્થા સહિતની ખામીઓ બહાર આવી હતી. આ ખામીઓને લઇને કમિશન દ્વારા જુદી જુદી કોલેજોની બેઠકો કાપી લેવાની જાહેરાત કરી દેવામાં આવી છે. આમ, ચાલુવર્ષે મેડિકલમાં પ્રવેશ માટે જે કાર્યવાહી હાથ ધરવામાં આવશે તેમાં આ બેઠકોનો સમાવેશ કરવામાં આવશે નહી. કેટલીક કોલેજોની 50 તો કેટલીક બેઠકોની 100 અને કેટલીક બેઠકોની બેઠકો શૂન્ય કરી દેવામાં આવી છે. ગુજરાતમાં સ્વામિનારાયણ ઇન્સ્ટિટ્યૂટ ઓફ મેડિકલ સાયન્સ એન્ડ રિસર્ચ, કલોલની મેડિકલની બેઠક શૂન્ય કરી દેવામાં આવી છે. આ જ રીતે અમરેલી મેડિકલની બેઠક 200 હતી તે કાપીને 150 કરી દેવામાં આવી છે.
જ્યારે ડો.કિરણ સી.પટેલ મેડિકલ કોલેજ એન્ડ રિસર્ચ ઇન્સ્ટિટ્યૂટ, સુરતની 50 બેઠકો કાપી લેવાઈ છે. આ કોલેજમાં કુલ 200 બેઠકોની જગ્યાએ હવે 150 બેઠકો પર જ વિદ્યાર્થીઓને પ્રવેશ ફાળવવામાં આવશે. આમ, ગુજરાતની કુલ 6900 મેડિકલની બેઠકો પૈકી 250 બેઠકો કાપી લેવામાં આવશે. આ તમામ કોલેજોમાં ગેરરીતિઓ અને અનિયમિતતાઓ અને વારંવાર સૂચના આપવા છતાં કોઇ કાર્યવાહી કરવામાં આવતી ન હોતી. કલોલની સ્વામિનારાયણ કોલેજમાં તાજેતરમાં કરાયેલી તપાસમાં મોટાપાયે અનિયમિતતા હોવાથી તમામ બેઠકો શૂન્ય કરી દેવામાં આવી છે.આમ, સમગ્ર દેશની અંદાજે 750 મેડિકલ કોલેજોની 6 હજાર બેઠકો કાપી લેવામાં આવી છે.રાજય સરકાર દ્વારા ખાનગી ટ્રસ્ટ મેડિકલ કોલેજ શરૂૂ કરવા ઇચ્છે તો તેને કરોડો રૂૂપિયાની આર્થિક સહાય કરવામાં આવે છે. જેમાં બ્રાઉન ફિલ્ડમાં મેડિકલ કોલેજ શરૂૂ કરે તો 75 કરોડ રૂૂપિયા અને ગ્રીન ફિલ્ડ અંતર્ગત મેડિકલ કોલેજ શરૂૂ કરે તો 45 કરોડ રૂૂપિયા સહાય પેટે આપવામાં આવે છે.
રાજયમાં અમરેલી અને ભરૂૂચની મેડિકલ કોલેજ બ્રાઉન ફિલ્ડ અંતર્ગત શરૂૂ કરવામાં આવી હોવાથી બન્ને કોલેજોને 75 કરોડ રૂૂપિયાની સહાય આપવામાં આવી છે. આ જ રીતે કલોલની સ્વામિનારાયણ મેડિકલ કોલેજ ગ્રીન ફિલ્ડ અંતર્ગત શરૂૂ કરવામાં આવી હોવાથી 45 કરોડ રૂૂપિયાની સહાય આપવામાં આવી હતી. આશ્ચર્યની વાત એ કે, સરકાર દ્વારા આટલી જંગી રકમની સહાય કરવામાં આવતી હોવાછતાં આ મેડિકલ કોલેજો વિદ્યાર્થીઓ પૂરતી વ્યવસ્થા આપી શકી નથી. અનેક કોલેજોએ પુરતી ફેકલ્ટી પણ નિયુક્તિ કરી નથી. સરકારી હોસ્પિટલ આપી હોવાછતાં જે તે ટ્રસ્ટ દ્વારા યોગ્ય રીતે સંચાલન કરવામાં ન આવતાં આ પ્રકારની પરિસ્થિતિ ઉભી થઇ હોવાનું મેડિકલના તજજ્ઞો કહે છે.
