For the best experience, open
https://m.gujaratmirror.in
on your mobile browser.
Advertisement

વાહન ધીમું ચલાવવા મામલે માથાકૂટ કરી યુવાન પર ચાર શખ્સોની ધોકાવાળી

04:37 PM Jun 29, 2024 IST | Bhumika
વાહન ધીમું ચલાવવા મામલે માથાકૂટ કરી યુવાન પર ચાર શખ્સોની ધોકાવાળી
Advertisement

શહેરના નાણાવટી ચોકની પાછળ પરમેશ્ર્વર સોસાયટીમાં રીક્ષાચાલકને વાહન ધીમુ ચલાવવા મામલે ચાર શખ્સોએ પાઇપ અને ધોકા વડે હુમલો કર્યો હતો. આ મામલે ચારેય શખ્સો સામે ફરિયાદ નોંધાઇ છે.
બનાવની મળતી વિગતો અનુસાર, નાણાવટી ચોક પાસે પરમેશ્ર્વર સોસાયટીમાં રહેતા ઇબ્રાહીમભાઇ ઇદરીસભાઇ આમરોણીયા નામના યુવાને ફરિયાદમાં સાહીલ, અકબર, રોનક, ફિરોજભાઇ અને રસીદાબેનનું નામ આપતા ફરિયાદ નોંધાઇ છે. ઇબ્રાહીમભાઇએ ફરિયાદમાં જણાવ્યુ હતુ કે, પોતે રીક્ષા ચલાવી પરિવારનું ગુજરાન ચલાવે છે.

ગઇકાલે શેરીના નાકે દુધની ડેરીએ દહીં લેવા જતા હતા ત્યારે શેરીમાં રહેતો સાહિલ તેનું એકટિવા સ્પિડમાંથી નીકળતા તેમને શેરીમાં બાળકોને વાગી જસે વાહન ધીમુ ચલાવવાનું કહેતા સાહિલે બોલાચાલી કરી અને તેમના પિતા અકબરભાઇ પાઇપ લઇ આવ્યા અને તુ મારા દીકરાને દબાવશ કહી પાઇપનો ઘા ઝીંક્યો હતો. બાદમાં અકબરભાઇનો ભત્રીજો રોનક ધીરજ ધોકો લઇ આવી માથામાં ઘા ઝીંક્યો હતો અને રસીદાબેને પણ ઢીકાપાટુનો માર માર્યો હતો. ત્યાર બાદ આજુબાજુના લોકો એકઠા થઇ જતા આરોપી નાસી ગયા હતાં. આ અંગે પિતા-પુત્ર સહિત ચાર શખ્સો સામે ફરિયાદ નોંધાઇ હતી.

Advertisement

Advertisement
Tags :
Advertisement
Advertisement