સાઉથનો સુપરસ્ટાર અલ્લુ અર્જુન ઘવાયો, પુષ્પા-2નું શૂટિંગ અટકયું

સાઉથના સુપર સ્ટાર અલ્લુ અર્જુનની ફિલ્મ પુષ્પાની સીક્વલ માટે શૂટિંગ શરૂૂ થઈ ગયું છે. અલ્લુ અર્જુન અને રશ્મિકા મંદાનાની જોડી ફરી એક વાર સાથે જોવા મળશે. સીક્વલને અગાઉ કરતાં વધુ ભવ્ય બનાવવા માટે સેટ અને વીએફએક્સ ઉપરાંત બોલિવૂડ એક્ટર્સનો પણ સમાવેશ કરવામાં આવ્યો છે. ફિલ્મનો ફર્સ્ટ લૂક શેર થયા બાદ ઓડિયન્સની ઉત્સુકતા વધી છે અને ફિલ્મને લગતી દરેક અપડેટ જાણવા ઓડિયન્સ ઉત્સુક રહે છે. દરમિયાન ફિલ્મના શૂટિંગ દરમિયાન અલ્લુ અર્જુનને ઈજા થઈ હોવાનું જાણવા મળ્યું છે, જેના કારણે ફિલ્મનું શૂટિંગ અટકાવવામાં આવ્યું છે. રિપોર્ટ્સ મુજબ, એક એક્શન સીનના શૂટિંગ દરમિયાન અલ્લુ અર્જુનને પીઠમાં ઈજા થઈ હતી. જેના કારણે સેટ પર દોડા-દોડી થઈ ગઈ હતી અને તરત ડોક્ટરની મદદ લેવાઈ હતી. બાદમાં અલ્લુને હોસ્પિટલમાં લઈ જવાયા હતા. જ્યાં એક્સપર્ટ ડોક્ટર્સે સારવાર શરૂૂ કરી હતી અને થોડા દિવસ આરામ કરવા સલાહ અપાઈ હતી. શૂટિંગ થોડા દિવસ સુધી મોકૂફ રાખવા અંગે ફિલ્મના મેકર્સ તરફથી ઓફિશિયલ માહિતી અપાઈ નથી. જો કે દસેક દિવસના આરામ બાદ અલ્લુ અર્જુન ફરી શૂટિંગ શરૂૂ કરે તેવી શક્યતા છે.