તમિલનાડુમાં ચૂંટણી પંચના અધિકારીઓએ રાહુલ ગાંધીના હેલિકોપ્ટરની કરી તપાસ, જુઓ વિડીયો
તમિલનાડુમાં કોંગ્રેસ નેતા રાહુલ ગાંધીના હેલિકોપ્ટરની આજે (15 એપ્રિલ, 2024) ચૂંટણી પંચના અધિકારીઓ દ્વારા તપાસ કરવામાં આવી હતી. રાજ્યના નીલગીરીમાં આયોગની ફ્લાઈંગ સ્ક્વોડના અધિકારીઓ દ્વારા રાહુલ ગાંધીના હેલિકોપ્ટરની તપાસ કરવામાં આવી છે. આ ઘટના અંગેનો વિડીયો હાલ સોશ્યલ મીડિયા પર વાયરલ થઇ રહ્યો છે.
આ મામલે પોલીસે જણાવ્યું કે, હેલિકોપ્ટર અહીં ઉતર્યા બાદ ફ્લાઈંગ સ્ક્વોડના અધિકારીઓએ દ્વારા આ તપાસ હાથ ધરવામાં આવી હતી. રાહુલ પોતાના મત વિસ્તાર વાયનાડ જઈ રહ્યા હતા, ત્યાં તેઓ જાહેર રેલીઓ સહિત અનેક ચૂંટણી પ્રચારમાં ભાગ લેવાના છે.
નીલગીરી બાદ રાહુલ ગાંધી તેમના સંસદીય ક્ષેત્ર વાયનાડ પહોંચ્યા હતા જ્યાં રાહુલ ગાંધીએ કારના સનરૂફ પરથી લોકોનું અભિવાદન સ્વીકારીને રોડ શો કર્યો હતો. આ દરમિયાન રાહુલે ત્યાં હાજર લોકોને કહ્યું કે હું વાયનાડના લોકોનો દરેક વખતે મને જે પ્રેમ અને લાગણી આપે છે તેના માટે આભાર. વાયનાડનો દરેક વ્યક્તિ મારા પરિવારનો એક ભાગ છે.
#WATCH | The Helicopter through which Congress leader Rahul Gandhi arrived in Nilgiris, Tamil Nadu was checked by the Election Commission's Flying Squad officials in Nilgiris.
(Video source: Election Commission Flying Squad) pic.twitter.com/aSOoNxyUJB
— ANI (@ANI) April 15, 2024
રાહુલ ગાંધીએ કહ્યું કે પરિવારમાં કેટલીકવાર ભાઈ-બહેનો વચ્ચે ઘણા મુદ્દાઓ પર મત અલગ હોય છે, પરંતુ તેનો અર્થ એ નથી કે તેઓ એકબીજાને પ્રેમ, સન્માન કે કાળજી લેતા નથી. રાજકારણમાં પ્રથમ પગથિયું છે એકબીજાને માન આપવું.
હેલિકોપ્ટરની તપાસમાં કંઈ નવું નથી, જેમ કે ટીએમસી નેતા અભિષેક બેનર્જીના કિસ્સામાં હતું. ચૂંટણી પહેલા, ECI દ્વારા તમામ DM/SP ને એરફિલ્ડ્સ/હેલિપેડ પર કડક તકેદારી રાખવા માટે કહેવામાં આવ્યું હતું. દેશભરમાં જાહેર અને ખાનગી બંને હવાઈ ક્ષેત્રોમાં આવી સર્ચ હાથ ધરવામાં આવી રહી છે જેથી એ સુનિશ્ચિત કરી શકાય કે લ્યુર્સ હવાઈ માર્ગ દ્વારા વહન ન થાય.