બોલિવિયન-બ્રાઝિલની સરહદે વિનાશક પૂરનું તાંડવ

બોલિવિયન-બ્રાઝિલની સરહદ પર આવેલી એકર નદીનાં વિનાશક પૂરે તબાહી મચાવી છે. ભારે વરસાદના કારણે સરહદ પરની આ નદી ઉપર આવેલા પુલ સુધી પાણી ભરાઇ ગયા છે. ચોતરફ પાણીના કારણે મોટા ભાગના વિસ્તારો જળબંબાકાર બની ગયા છે. પાણીમાં ફસાયેલા લોકોને બચાવવાની જહેમત ઉઠાવવામાં આવી રહી છે. પૂર તાંડવના કારણે વિસ્થાપિત બનેલા લોકો માટે ભોજન અને હંગામી રહેઠાણની વ્યવસ્થા ગોઠવવામાં આવી છે. પૂરના કારણે ઘરવખરી અને મોટી સંખ્યામાં વાહનો પાણીમાં ગરકાવ થઇ જતા વ્યાપક નુકસાની થઇ છે. પૂરમાં ફસાયેલા લોકોને બચાવવા માટે હોડીની વ્યવસ્થા પણ ગોઠવવામાં આવી છે.