For the best experience, open
https://m.gujaratmirror.in
on your mobile browser.
Advertisement

કૂવામાંથી ભાઈ, બહેન અને ભાભીના મૃતદેહો મળ્યા, હત્યાની આશંકા

03:47 PM Jan 12, 2024 IST | Bhumika
કૂવામાંથી ભાઈ  બહેન અને ભાભીના મૃતદેહો મળ્યા  હત્યાની આશંકા

અમરેલી તાલુકાના લાલાવદર ગામની સીમ વિસ્તારમાં કૂવામાંથી ત્રણ વ્યક્તિઓના મૃતદેહ મળી આવ્યાની ઘટના સામે આવી છે. મળતી માહિતી મુજબ આ ત્રણેય મૃતદેહ ભાઇ-બહેન અને ભાભીના છે. મૃતકોમાં મુકેશભાઈ દેવરખાયા, ભુરીબેન દેવરખિયા અને જાનુબેન દેવરનો સમાવેશ થાય છે.

Advertisement

ઘટના અંગે મળતી માહિતી મુજબ લાલાવદર ગામની સીમમાં આવેલી અલ્પેશભાઇની વાડીમાં પરપ્રાંતિય પરિવાર ખેત મજૂરી કરતો હતો. જેમણે બે દિવસ અગાઉ કૂવામાં ઝંપલાવ્યું હતું. ગ્રામજનોએ ઘટનાની જાણ અમરેલી ફાયર વિભાગની ટીમને કરતાં ફાયર વિભાગની ટીમ ઘટનાસ્થળે પહોંચી હતી. જેમણે કૂવામાંથી મૃતદેહને બહાર કાઢ્યા હતા. આ ગોઝારી ઘટનાની જાણ થતાં પોલીસ કાફલો અને અમરેલીના સાંસદ નારણ કાછડીયા ઘટનાસ્થળે પહોંચ્યા હતા. બનાવ આત્મહત્યાનો છે કે હત્યાનો તે બાબતે તપાસ હાથ ધરવામાં આવી છે. આ અંગે અમરેલી જિલ્લા પોલીસ વડા હિમકરસિંહે જણાવ્યું હતું કે, લાલાવદર ગામની સીમમાં કૂવામાંથી મળી આવેલા મૃતદેહ અંગે હાલમાં તપાસ ચાલી રહી છે. પરિવારે આત્મહત્યા કરી છે કે કેમ અને આત્મહત્યા કરી છે તો કયા કારણોસર કરી છે એની તપાસ હાલમાં ચાલી રહી છે.

Advertisement
Advertisement
Tags :
Advertisement
Advertisement