બામણબોર પાસે 58 હજારના વિદેશી દારૂ ભરેલી રિક્ષા સાથે બે શખ્સો ઝડપાયા

બામણબોર પાસે તેમજ કોઠારિયા સોલવન્ટ પાસે પીસીબીની ટીમે બે અલગ અલગ દરોડામાં દેશી અને વિદેશી દારૂનો જથ્થો ઝડપી પાડ્યો હતો. જેમાં 58 હજારના વિદેશી દારૂ સાથે બે શખ્સોને ઝડપી લીધા હતાં. જ્યારે દેશી દારૂ સાથે મહિલાની ધરપકડ કરવામાં આવી હતી.

મળતી વિગતો મુજબ પોલીસ કમિશનર બ્રજેશ કુમાર ઝાના સિધા માર્ગદર્શન હેઠળ કામ કરતી પીસીબીની ટીમે બાતમીના આધારે રાજકોટ અમદાવાદ હાઈવે પર બામણબોર ચેકપોસ્ટ પાસે શંકાસ્પદ રીતે નિકળેલી જીજે 3 ડબલ્યુ 631 નંબરની રિક્ષાને અટકાવી હતી. તલાશી લેતા તેમાંથી બે લીટરની અલગ અલગ વિદેશી દારૂની 32 બોટલ મળી આવી હતી. રૂા. 58,400નો દારૂ અને 40 હજારની રિક્ષા સહિત 98 હજારનો મુદ્દામાલ કબ્જે કરી ચૂનારાવાડમાં રહેતા જેનીસ રાયધન ચૌહાણ અને રામનાથ પરા મેઈન રોડ ઉપર બાપાસીતારામ મંદિર પાસે રહેતા રાહુલ દેવજી ચાવડાની ધરપકડ કરી હતી.

અન્ય દરોડામાં કોઠારિયા સોલવન્ટ પાસે પીસીબીની ટીમે હાઉસીંગ બોર્ડ ક્વાર્ટર નંબર 1031માં રહેતી સલમાબેન હનિફભાઈ જુનેજાની ત્યાં દરોડો પાડી રૂા. 15 હજારની કિંમતનો 75 લીટર દેશી દારૂ કબ્જે કર્યો હતો. પીસીબીના ઈન્ચાર્જ પીઆઈ એમઆર ગોંડલિયા સાથે પીએસઆઈ એમ.જે. હુણ અને તેમની ટીમે કામગીરી કરી હતી.