પોરબંદર નજીકથી રૂપિયા 30 લાખનો દારૂ ભરેલો ટ્રક ઝડપાયો

ગુજરાતની ચેકપોસ્ટ ઉપર ફરજ બજાવતી પોલીસ કેટલી હદે નિષ્ક્રિય છે તેનો પૂરાવો વધુ એક વખત પોરબંદર જિલ્લામાંથી મળ્યો છે. વિદેશી દારૂૂની 6144 બોટલ ભરેલો ટ્રક પોરબંદર જિલ્લામાં ઘુસાડી દેવામાં આવ્યો હતો. ચૌટા ચેકપોસ્ટ પર કુતિયાણા પોલીસે 36 લાખનો મુદ્દામાલ કબજે કરીને આ દારૂૂ મંગાવનાર પોરબંદરની પાર્ટી કોણ છે, તે અંગે તપાસ શરૂૂ કરી છે.

કુતિયાણા પોલીસની ટીમ પેટ્રોલીંગમાં હતી ત્યારે ચૌટા ચેકપોસ્ટ પર રાત્રે 11 વાગ્યા આસપાસ શંકાસ્પદ હાલતમાં એક ટ્રક પસાર થઇ રહ્યો હોવાથી પોલીસે તેને અટકાવ્યો હતો. તપાસ કરતાં વિદેશી દારૂૂની નાની મોટી મળી 6144 બોટલ સાથેનાં 200 બોક્સ (કિ.રૂૂા. 29,95,200) મળી આવ્યા હતા.

ટ્રકચાલકની પૂછપરછ કરતાં તે મુળ પંચમહાલના ખાબડા ગામનો તથા હાલ અમદાવાદ-ગોધરા રોડ પર આવેલ જીઆઈડીસીમાં રહેતો હિંમતસિંહ કરણસિંહ વણઝારા (ઉ.વ.24) હોવાનું જણાવ્યું હતું. પોલીસે તેની તલાસી લેતાં આઈફોન અને 4400 રૂૂા.ની રોકડ પણ મળી આવી હતી. પોલીસે નશાબંધી સપ્તાહ દરમિયાન જ દારૂૂની ખેપનો પર્દાફાશ કરીને દારૂૂ ઉપરાંત પ્લાસ્ટિકની બરણીઓ ભરેલા 15 બાચકા અને ટ્રક મળી કુલ રૂૂા. 36 લાખ 36 હજાર 100નો મુદ્દામાલ કબજે કર્યો હતો.

હિંમતસિંહ વણઝારાની આકરી પૂછપરછ કરતા તેણે જણાવ્યું હતું કે આ દારૂૂ તેણે મૂળ ભરૂૂચ તથા હાલ અમદાવાદ રહેતા ઋષભ વસાવાના કહેવાથી અમદાવાદની સહયોગ હોસ્પિટલ પાસેથી ટ્રકમાં ભર્યો હતો અને પોરબંદરની કોઇ પાર્ટીને આ દારૂૂ પહોંચતો કરવા માટે જણાવ્યું હતું જેથી પોલીસે ટ્રક ચાલક હિમતસિંહ વણઝારા, દારૂૂ ભરાવનાર ઋષભ વસાવા તથા માલ જેની પાસે પહોંચતો કરવાનું જણાવાયું હતું તે મોબાઇલધારક ઇસમ સામે ગુનો દાખલ કરીને આગળની પુછપરછ હાથ ધરી છે.