તળાજા પંથકમાં ગેરકાયદેસર રેતી વહન કરવાનો ભાવ ડબ્બલ!

ભાવનગર જિલ્લાનાતળાજા પંથકમાં રેતી માટી નું ખનન કરનાર તત્વો ને ધરતી ખોદી ને વહન કરવા માટે મજબૂત વ્યક્તિ બળ પુરુપાડતા હોય અથવા તો અમુક જ ભ્રષ્ટ અધિકારીઓના કારણે મામલતદાર કક્ષાના અધિકારી દ્વારા ગેરકાયદેસર રીતે રેતી-માટી વહન કરતા તત્વોસામે કાર્યવાહી કરવા છતાંય બીજાજ દિવસે હાઇવે પર વાહનો માતેલા સાંઢ ની જેમ પુરપાટ ઝડપે દોડતા જોવા મળ્યાહતા.

તળાજા મામલતદાર ની કાર્યવાહી થી ફાટી પડવા ના બદલે ગેરકાયદેસર રીતે રેતી વહન કરતા ડમ્પર માલિકો તળાજા પોલીસ સ્ટેશન ની સામેથીજ પસાર થતા ખચકાયા નહિ!.ખદરપર મીઠીવીરડી ની જમીન ખોદી ને છેક મહુવા સુધી પહોંચાડવામાં આવે છે.હાઇવે પર રાત ઢળતાજ વાહનો દોડવા લાગેછે.કેટલાક લાચિયા તત્વોના કારણે દિવસે પણ બે હાઇવે અથવા તો તળાજા નગર માંથી પસાર થતા ખચકાતા નથી!.

મહુવા પહોંચતા અલંગ,તળાજા, દાઠા અને બગદાણા બાદ મહુવા પોલીસ મથક વિસ્તારમાંથી પસાર થવું પડેછે છતાંય ક્ષમતા કરતા વધુ વજન અને ટ્રકની બોડી ની હાઈટ કરતાંય ઉપર દેખાય તેમ વધુ રકમ મેળવવા માટે ટ્રક ડમ્પર દોડતા જોવા મળે છે.ગેરકાયદેસર ખનન કરેલ રેતી વહન કરવા માટે ભાડું પણ ડબ્બલ વસુલવામાં આવે છે.

અલંગ વિસ્તારમા અનેક ગેરકાયદેસર ધંધા
અલંગ વિસ્તારના એક રાજકીય આગેવાનના ના આરોપ છેકે કે આ વિસ્તારમા સાંજ ઢળતા જ અનેક અસમાજીક પ્રવૃત્તિઓ શરૂૂ થાય છે.માટી ચોરવા માટે જેસીબી ડમ્પર દોડતા જોવા મળે છે.ચોરી કરનાર ગેંગો અને બુટલેગર સક્રિય થાયછે. સત્તાધારી પક્ષના રાજકીય આગેવાનને ઉમેર્યું હતુંકે સોસિયા અલંગ વિસ્તારમાં શિપ બ્રેકરો એ લગાવેલ સીસીટીવી કેમેરા દરોજ ચેક કરવામાં આવે તો અહીંથતી અસામાજીક પ્રવૃત્તિ પર રોક લગાવી શકાય.