ભાવનગરના તળાજાની યુવતી પર શેળાવદરના સરપંચનું દુષ્કર્મ

ભાવનગર જિલ્લાના તળાજાના શેળાવદર ગામના સરપંચ વિરુદ્ધ દાઠા પોલીસ મથકમાં એક યુવતી એ પોતાની સાથે મરજી વિરુદ્ધ ગળું દબાવી દેવાની ધમકી આપી ફળિયામાંથી રૂૂમમાં ખેંચી જઇ ને શિયલ લૂંટયાની તળાજા સરકારી હોસ્પિટલના બિછાનેથી ફરિયાદ આપતા પોલીસે સરપંચ ની ધરપકડ કરી આજે કોર્ટમાં રજૂ કરવામાં આવશે.

તળાજા પંથકમાં ચકચાર મચાવતા બનાવની મળતી વિગતો મુજબ તળાજા હોસ્પિટલમા ગઈકાલ રાત્રે સારવાર અર્થે પરિવાર સાથે આવેલ 19 વર્ષીય યુવતી એ તાલુકાના શેળાવદર ગામના સરપંચ વલ્લભ વિરાભાઈ મકવાણા વિરુદ્ધ મરજી વિરુદ્ધ બળજબરીથીને બળાત્કાર ગુજાર્યા ની ફરિયાદ દાઠા પોલીસને નોંધાવી છે.

પોલીસના જણાવ્યા પ્રમાણે ભોગ બનનાર યુવતી બપોરના સાડા બારેક વાગે બાજરો વાવલીને ઘરમા જતી હતી.તે સમયે આરોપી એ આવીને પપ્પા વિશે પુછેલ આથી યુવતી એ પરિવારના સભ્યો પ્રસંગમા અને વાડીએ ગયેલ હોવાનું અને પોતે એકલીજ હોવાનું જણાવ્યું હતું.યુવતીની એકલતા નો મોકો જોઈને પિસ્તાલીસેક વર્ષના સરપંચ વલ્લભ મા વાસનાનો કીડો પ્રગટ થતાં યુવતી ને ઢસડી રાડો ન પાડી શકે તે માટે મોઢું દબાવીને રૂૂમમાં ખેંચી લઈ જઈ ગળું દબાવવાની ધમકી આપીને મરજી વિરુદ્ધ બળાત્કાર ગુજારેલ.એ સમયે જ પીડિતાના મોટા બા એ રૂૂમ નો દરવાજો ખોલતા પીડિતા બહાર આવી ગયેલ અને દીકરી જેવડી ઉંમરની યુવતી સાથે દુષ્કર્મ ગુજાનાર સરપંચ વલ્લભ ધક્કો મારીને બહાર જતો રહ્યો હતો.

ઇન્વેસ્ટિગેશન કરનાર પો.ઇ ચેતન મકવાણા એ જણાવ્યું હતુ કે આરોપીની ધરપકડ કરી લેવામાં આવી છે.આવતી કાલે તેમને કોર્ટમાં રજૂ કરવામાં આવશે.આ બનાવને લઈ તળાજા પંથકમાં રાજકીય વર્તુળોમાં ખાસ ચર્ચાનો વિષય બન્યો હતો.