લાલચ બૂરી ચીજ : રોકાણ પર સારા વળતરની લાલચે 84 લાખની છેતરપિંડી

મોરબીમાં શેરબજારમાં રોકાણ કરાવી સારો નફો કરાવી આપવાની લોભાવનારી લાલચે યુવક છેતરાયો

મોરબીમાં શેરબજારમાં રોકાણ પર સારા વળતરની લાલચે યુવક સાથે 85 લાખથી વધુની છેતરપીંડી થયાની ફરિયાદ નોંધાઇ હતી.

મોરબીમાં શેરબજારમાં રોકાણ કરાવી સારો નફો કમાવવાની લોભામણી લાલચ આપીને અનેક વેપારીઓ તથા યુવકો સાથે છેતરપિંડી થતી હોવાના બનાવો સામે આવ્યા છે ત્યારે વધુ એક ઓનલાઇન છેતરપીંડીનો કિસ્સો પ્રકાશમાં આવ્યો જેમાં એક યુવકને શેરબજારમાં સારો નફો કમાવવાની લાલચ આપી ઓનલાઇન રોકાણ કરાવી રૂૂ. 85,42,100 ની છેતરપીંડી કરી હોવાની દશ વોટ્સએપ ધારક અને બેન્ક એકાઉન્ટ ધારક વિરુદ્ધ મોરબી સાયબર ક્રાઇમ પોલીસ સ્ટેશનમાં ફરીયાદ નોંધાઈ છે.

મળતી માહિતી મુજબ મોરબીના એસ.પી.રોડ પર સિલ્વર હાઇટસમા રહેતા અને પ્રાઈવેટ નોકરી કરતા ધર્મેન્દ્રભાઇ નાગજીભાઈ સુતરીયા (ઉ.વ.43) આરોપી વોટ્સએપ ધારક અને બેન્ક એકાઉન્ટ ધારકો વિરુદ્ધ મોરબી સાયબર ક્રાઇમ પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીઓએ ફરીયાદીને ટઈંઙ 14 જીયિક્ષમફિ તજ્ઞિંભસ યડ્ઢભવફક્ષલય લજ્ઞિીા વોટ્સએપ ગ્રુપમાં એડડ જે ગ્રુપમાં એડમીનો દ્વારા શેરબજારમાં રીલેટેડ મેસેજ આવતા અને ટીપ્સ આપવામાં આવતી હતી ત્યારબાદ ફરીયાદીને શેરબજારમાં રોકાણ કરી વધુ નફો મેળવવા વિિંાંત://ળ.યળભયયતશક્ષલ.ભજ્ઞળ/ વાળી લિંક મોકલી ફરીયાદીને વેબ પર ડીમેઇટ એકાઉન્ટ ઓપન કરાવેલ અને ત્યારબાદ ફરીયાદીને યુ.એસ. સ્ટોક માર્કેટમાં ઇન્વેસ્ટ અને આઇ.પી.ઓ ભરવાનું કહી ફરીયાદીને શેરબજારમાં ઓનલાઇન રોકાણ કરાવાના બહાને ફરીયાદી કુલ. રૂૂ. 85,42,100 જુદા જુદા બેન્ક એકાઉન્ટમાં આરોપીઓએ મેળવી આજદિન સુધી પરત નહી કરી ફરીયાદી સાથે છેતરપિંડી કરી હોવાની ફરીયાદ નોંધાવતા પોલીસે ગુન્હો નોંધી આગળની કાર્યવાહી હાથ ધરી છે.