પાંચ લાખની લાંચ લેતાં DIG રંગેહાથ ઝડપાયા
પંજાબના રોપર જિલ્લામાં ભ્રષ્ટાચાર સામે મોટી કાર્યવાહીમાં, સેન્ટ્રલ બ્યુરો ઓફ ઇન્વેસ્ટિગેશન (સીબીઆઈ) એ ડીઆઈજી રેન્કના એક અધિકારીને લાંચ લેતી વખતે રંગે હાથે ધરપકડ કરી છે. આ અધિકારી પર એક કેસમાં રાહતના બદલામાં 5 લાખ રૂૂપિયાની માંગણી કરવાનો આરોપ છે.
સીબીઆઈને લાંબા સમયથી આ અધિકારી સામે ફરિયાદો મળી રહી હતી, જેમાં આરોપ મૂકવામાં આવ્યો હતો કે તેણે કેસોમાં રાહતના બદલામાં લાંચ માંગી હતી. આ માહિતીના આધારે, સીબીઆઈએ છટકું ગોઠવવાની યોજના બનાવી હતી. જ્યારે અધિકારી 5 લાખ રૂૂપિયાની લાંચ સ્વીકારી રહ્યો હતો, ત્યારે સીબીઆઈ ટીમે તેને રંગે હાથે પકડી લીધો. તેની પાસેથી રોકડના બંડલ પણ મળી આવ્યા હતા.
ધરપકડ બાદ, સીબીઆઈ ટીમે ડીઆઈજીની ઓફિસ અને નિવાસસ્થાન બંને પર તપાસ હાથ ધરી હતી. તપાસ એજન્સીને શંકા છે કે તેની પાસે ભ્રષ્ટાચારથી મેળવેલી સંપત્તિ સંબંધિત દસ્તાવેજો પણ હોઈ શકે છે.
સીબીઆઈના એક વરિષ્ઠ અધિકારીએ જણાવ્યું હતું કે આરોપી ડીઆઈજી વિરુદ્ધ ભ્રષ્ટાચાર નિવારણ કાયદા હેઠળ કેસ નોંધવામાં આવ્યો છે. હાલમાં તેની પૂછપરછ ચાલી રહી છે.
