સાવરકુંડલાના રામગઢમાં બુટલેગરે સરપંચ પર કુહાડી વડે કર્યો હુમલો

સાવરકુંડલાના રામગઢમાં બુટલેગરે સરપંચ પર કુહાડી વડે હુમલો કર્યો હતો. ઉપરાંત તેમની પાછળ કુતરો છોડી ઈજાઓ પહોંચાડી હતી.

આ અંગે બે શખ્સો સામે સાવરકુંડલા રૂૂરલ પોલીસ મથકમાં ગુનો નોંધાયો હતો. સાવરકુંડલાના રામગઢમાં સરપંચ ભાભલુભાઈ દેવકુભાઈ ખુમાણ (ઉ.વ.50)એ જયદીપ ચંપુભાઈ ખુમાણને અગાઉ ગામમાં દારૂૂ રાખવા મુદ્દે ટકોર કરી હતી.

ચારેક દિવસ પૂર્વે ભાભલુભાઈ ખુમાણના કુટુંબી વનરાજભાઈને જયદીપ ખુમાણ મારવા આવતા સરપંચના કાકા બચુભાઈ ખુમાણે પોલીસને જાણ કરી હતી.જે વાતનું મનદુ:ખ રાખી જયદીપ ચંપુભાઈ ખુમાણે કુહાડીનો ઘા ઝીંકી દીધો હતો.

ઉપરાંત પાછળ શ્વાન છોડી ઈજાઓ પહોંચાડી હતી. આ અંગે સાવરકુંડલા રૂૂરલ પોલીસ મથકમાં જયદીપ ખુમાણ અને કુલદીપ ચંપુભાઈ ખુમાણ સામે ગુનો નોંધાતા એએસઆઈ એસ.એ.બગડા વધુ તપાસ ચલાવી રહ્યા છે.