ઉત્તરપ્રદેશમાં ભાજપના ધારાસભ્ય ઉપર ફાયરિંગ

ઉત્તર પ્રદેશના લખીમપુર ખેરી જિલ્લામાં, પત્ની સાથે નાઇટ વોક પર નીકળેલા બીજેપી ધારાસભ્ય સૌરભ સિંહ સાથે વિવાદ બાદ બે યુવકોએ હવામાં ગોળીબાર કર્યો હતો. જો કે, ધારાસભ્યનો બચાવ થયો હતો.

લખીમપુર ખેરી જિલ્લામાં, ભાજપના ધારાસભ્ય સૌરભ સિંહ સાથે વિવાદ બાદ બે યુવકોએ હવામાં ગોળીબાર કર્યો હતો, જેઓ તેમની પત્ની સાથે નાઈટ વોક પર હતા. ફાયરિંગની માહિતી મળતા પોલીસ ઘટનાસ્થળે પહોંચી હતી અને તપાસ શરૂૂ કરી હતી. પોલીસ આસપાસના સીસીટીવી ફૂટેજને સ્કેન કરવામાં વ્યસ્ત છે. યુવકની ઓળખ માટેના પ્રયાસો હાથ ધરવામાં આવ્યા છે.

આ ઘટના બુધવારે મોડી રાત્રે શહેરના શિવ કોલોનીમાં બની હતી. લખીમપુરના કાસ્તાના ધારાસભ્ય સૌરભ સિંહ સોનુ રાત્રે જમ્યા બાદ પત્ની સાથે ઘરની બહાર ફરતા હતા. ઘરથી સો મીટર દૂર શંકાસ્પદ હાલતમાં ઉભેલા યુવકોએ ધારાસભ્ય સાથે દલીલ કરી હતી. ધારાસભ્યએ જણાવ્યું કે જ્યારે તેમણે યુવાનોને પડકાર્યા તો તેઓએ હવામાં ફાયરિંગ કર્યું અને ભાગી ગયા. ફાયરિંગની માહિતી મળતા પોલીસ ઘટના સ્થળે પહોંચી હતી. ધારાસભ્યએ પોલીસમાં ફરિયાદ નોંધાવી છે. પોલીસ સીસીટીવી સ્કેન કરી રહી છે. પોલીસે યુવકની શોધખોળ શરૂૂ કરી છે.