For the best experience, open
https://m.gujaratmirror.in
on your mobile browser.
Advertisement

બીડિવિઝન પોલીસ મથકમાં પીઆઈ અને પીએસઆઈએ પટા-ધોકા વડે માર મારી ઈલેક્ટ્રિક શોક આપ્યાનો આરોપીનો આરોપ

04:45 PM Feb 05, 2025 IST | Bhumika
બીડિવિઝન પોલીસ મથકમાં પીઆઈ અને પીએસઆઈએ પટા ધોકા વડે માર મારી ઈલેક્ટ્રિક શોક આપ્યાનો આરોપીનો આરોપ

રાજકોટ શહેરના રેલનગર અને રણછોડનગરમાં બે દિવસમાં બે યુવાન ઉપર જીવલેણ હુમલો કરનાર અને છેલ્લા 15 દિવસથી ફરાર ચામડિયા ખાટકી વાસના નામચીન શખ્યાને ક્રાઈમ બ્રાંચે અંતે ઝડપી લીધો હતો. જેલ હવાલે રહેલા શખ્સે બી ડિવિઝન પોલીસ મથકમાં પીઆઇ અને પીએસઆઇએ પટ્ટા-ધોકા વડે માર મારી ઇલેક્ટ્રિક શોક આપ્યા હોવાના આક્ષેપ સાથે સારવાર માટે હોસ્પિટલમાં દાખલ થયો છે.

Advertisement

આ અંગે પોલીસમાંથી જાણવા મળતી વિગત મુજબ મોરબી રોડ ઉપર આવેલા ચામડિયા ખાટકી વાસમાં રહેતા અલબાઝ ઉર્ફે રઈસ ઉર્ફે અબુ મહમદભાઈ ભાડુલા નામનો 22 વર્ષનો યુવાન બી ડિવિઝન પોલીસ મથકમાં હતો ત્યારે પીઆઈએ અને પીએસઆઇ કૃપાલીએ પટ્ટા અને લાકડી વડે માર મારી ઇલેક્ટ્રીક શોક આપ્યા હોવાના આક્ષેપ સાથે યુવાનને સારવાર માટે સિવિલ હોસ્પિટલના પ્રિઝનલ વોર્ડમાં દાખલ કરવામાં આવ્યો હતો.

પ્રાથમિક તપાસમાં રણછોડનગર તા.18-1 ના રોજ પરેશ ચંદ્રકાંતભાઈ પટેલ પોતાનું મોટરસાયકલ લઈ જતો હતો ત્યારે મોટર સાયકલ બાજુમાંથી પસાર થતાં નજીવી બાબતે થયેલ ઝઘડામાં પરેશને ગાળો આપી છરીનો ઘા ઝીંકી દીધો હતો અને ભાગી ગયો હતો આ મામલે બી ડિવિઝન પોલીસ મથકમાં ગુનો નોંધાયો હતો. આ ઘટના બાદ ગત તા.20-1ના રોજ રેલનગરના મૈસુર ભગત ચોક પાસે અજય સંજય સોલંકી નામના યુવાન સાથે નજીવી બાબતે ઝઘડો કરી છરીના ઘા ઝીંકી હત્યાનો પ્રયાસ કર્યો હતો.

Advertisement

બે દિવસમાં બે યુવાનો ઉપર જાહેરમાં છરીના ઘા ઝીંકી જીવલેણ હુમલો કરીને ફરાર થઈ ગયેલા અલબાઝ ઉર્ફે રઈસ ઉર્ફે અબુ મહમદભાઈ ભાડુલાને ઝડપી લેવા માટે પોલીસની અલગ અલગ ટીમો કામે લાગી હતી. છેલ્લા 15 દિવસથી ફરાર શખ્સને અંતે ક્રાઈમ બ્રાન્ચની ટીમે પોપટપરાના નાલા પાસેથી ઝડપી લીધો હતો. અલબાઝ ઉર્ફે રઈસ ઉર્ફે અબુ મહમદભાઈ ભાડુલા વિરૂૂદ્ધ હત્યાની કોશિશ તેમજ મારામારી, સહિતના 13 જેટલા ગુના નોંધાયેલા છે અને તે એક વર્ષ પૂર્વે જ પાસા હેઠળ જેલની હવા પણ ખાઈ ચૂક્યો છે.

Advertisement
Tags :
Advertisement
Advertisement