એકાંતમાં બર્થ ડે સેલિબ્રેટ કરતા યુવકની હત્યા, યુવતીને છરીના ઘા ઝીંકયા

મોડી રાત્રે અજાણ્યા શખ્સે ખેલ્યો ખૂની ખેલ, કિંમતી સામાન લૂંટી લીધો, યુવકની નગ્ન લાશ મળતા જાણ થઇ, યુવતિની હાલત પણ ગંભીર

નવરાત્રિના તહેવાર પૂર્વે રાજધાનીમાં બનેલી ચોંકાવનારી ઘટના

સોમવારથી નવરાત્રીનો પ્રારંભ થઇ રહ્યો છે તે પૂર્વે ગતરાત્રે રાજધાની ગાંધીનગરમાં એક ગંભીર ઘટના બની છે. ગાંધીનગરના અડાલજ નજીક અંબાપુર નર્મદા કેનાલ પાસે ગતરાતે કારમાં બર્થ-ડે સેલિબ્રેટ કરી રહેલા એક યુવક-યુવતી ઉપર અજાણ્યા શખ્સે લુંટના ઇરાદે છરી વડે હુમલો કરી યુવકની ક્રુર હત્યા કરી નાખી હતી જયારે યુવતિને ગંભીર ઇજાઓ પહોંચાડતા તેને સારવાર માટે હોસ્પિટલમાં ખસેડાયેલ છે જયાં તેની હાલત પણ નાજુક હોવાનું જણાવાઇ રહ્યું છે.

મળતી માહિતી મુજબ યુવક-યુવતી કારમાં આપતીજનક સ્થિતિમાં હોવાથી અજાણ્યા શખ્સે પૈસાની માંગણી કરી બળજબરીનો પ્રયાસ કર્યો હતો. જેમાં પ્રતિકાર કરતા યુવકને છરીના ઘા ઝીંકયા હતા જયારે વચ્ચે પડેલી યુવતીને પણ છરીના ઘા ઝીંકી રોકડ તેમજ પર્સ સહીતનો મુદામાલ લુંટી અજાણ્યો શખ્સ કાર લઇને અંધારામાં નાસી ગયો હતો. પરંતુ આગળ કાર બંધ પડી જતા કાર છોડીને ભાગી છુટયો હતો.

આ ઘટનામાં યુવકની નગ્ન હાલતમાં લાશ જોઇ કોઇએ પોલીસને જાણ કરતા પોલીસ સ્થળ પર પહોંચી હતી ત્યારે નજીકમાંથી ગંભીર રીતે ઘવાયેલી યુવતિ પણ બેભાન હાલતમાં મળી આવી હતી. જયારે થોડે દુરથી તેની કાર મળી હતી. આ ઘટનામાં યુવતી સાથે નવરાત્રીના તહેવાર પૂર્વે જ રાજધાનીમાં આ ઘટના બનતા પોલીસ દોડતી થઇ ગઇ છે અને વિકૃત હત્યારાને ઝડપી લેવા 15 ટુકડીઓ કામે લગાડવામાં આવી છે તેમજ એટીએસ પણ તપાસમાં જોડાયેલ છે.

પ્રાથમિક માહિતી અનુસાર, અમદાવાદના હાંસોલ વિસ્તારમાં રહેતો વૈભવ મનવાણી તેની મિત્ર યુવતિ સાથે અંબાપુર નર્મદા કેનાલના સર્વિસ રોડ પર રાત્રિના સમયે કારમાં બેઠો હતો. આ દરમિયાન અજાણ્યો શખસ તેમની પાસે આવ્યો અને લૂંટનો પ્રયાસ કર્યો હતો. જ્યારે યુગલે પ્રતિકાર કર્યો ત્યારે હુમલાખોરે તેમના પર હુમલો કર્યો, જેમાં વૈભવનું ઘટનાસ્થળે જ મોત નીપજ્યું હતું. યુવતીને ગંભીર ઇજા કરતા અમદાવાદની સિવિલ હોસ્પિટલમાં સારવાર માટે ખસેડવામાં આવી છે. હુમલા પછી આરોપી યુગલ પાસેથી કીમતી સામાન લૂંટીને નાસી ગયો હતો.

પોલીસે આ ઘટના અંગે જણાવ્યું હતું કે યુવતી હાલ બેભાન અવસ્થામાં છે, જેથી હુમલાની ચોક્કસ વિગતો મેળવવી મુશ્કેલ છે. પોલીસ દ્વારા વૈભવના મૃતદેહનું પોસ્ટમોર્ટમ કરાવવાની કાર્યવાહી શરૂૂ કરવામાં આવી છે. આસપાસના ઈઈઝટ ફૂટેજની પણ તપાસ કરવામાં આવી રહી છે, જેથી હુમલાખોરની ઓળખ થઈ શકે. એલસીબી, એસઓજી અને સ્થાનિક પોલીસ સ્ટેશનની કુલ 15 ટીમ તપાસમાં લાગી છે. પોલીસની પ્રાથમિક તપાસમાં એવું સામે આવ્યું છે કે આ યુવક-યુવતી તેમની બર્થ ડે પાર્ટીની ઉજવણી કરવા માટે અહીં આવ્યાં હતાં.

આ અંગે ગાંધીનગર પોલીસનાં વિશ્વસનીય સૂત્રોએ જણાવ્યું હતું કે યુવક અને યુવતી ગઈકાલે રાત્રે અંબાપુર નર્મદા કેનાલ ખાતે સ્કોડા ગાડી લઈને બેઠાં હતાં. આ દરમિયાન એક અજાણ્યો શખસ લૂંટના ઇરાદે તેમની પાસે પહોંચી ગયો હતો. યુવક-યુવતી આપતિજનક હાલતમાં હોવાથી અજાણ્યા શખસે છરી બતાવીને બંનેને ગર્ભિત ધમકીઓ આપી હતી, જેનો યુવકે પ્રતિકાર કરતાં અજાણ્યા શખસે છરીના ઘા યુવકને ઝીંકી દીધા હતા.

યુવકને બચાવવા માટે યુવતીએ પ્રતિકાર કરતાં તે શખસે તેના પર પણ હુમલો કર્યો હતો. બાદમાં શખસે કીમતી સામાનની લૂંટ કરી તે યુગલની ગાડીમાં ભાગ્યો હતો, જોકે ગાડી આગળ જઈને બંધ પડી જતાં અજાણ્યો શખસ ગાડી મૂકીને ત્યાંથી નાસી ગયો હતો. પોલીસના પ્રાથમિક નિવેદનમાં એક અજાણ્યો શખસ હોવાનું હાલમાં સામે આવ્યું છે. યુવતીની હાલત ગંભીર છે, જેથી વિગતવાર નિવેદન બાકી છે.

પોલીસે વધુમાં કહ્યું હતું કે રાત્રિના સમયે અહીંથી પસાર થતી એક વ્યક્તિએ યુવકની લાશ જોઈ હતી, જે કંટ્રોલ રૂૂમમાં ફોન કરતાં સમગ્ર ઘટના પ્રકાશમાં આવી હતી. યુવકની લાશ નિર્વસ્ત્ર અવસ્થામાં મળી હતી.

મિત્રોથી વિખૂટા પડયા બાદ એકાંત સ્થળે ગયા ને ભોગ બન્યા
પોલીસસૂત્રોએ જણાવ્યું હતું કે મૃતક યુવકનો ગઇકાલે 19મીએ બર્થ ડે હતો જેના પગલે યુવક-યુવતી સહિતના મિત્રોએ અમદાવાદમાં સેલિબ્રેશન કર્યું હતું. બાદમાં બધા મિત્રો એક પછી એક અલગ પડ્યા હતા. ત્યારે યુવક અને યુવતી રાત્રિના 12:30 વાગ્યા દરમિયાન ઝુંડાલ વિસ્તારમાં રહેતી તેની એક મિત્રને ઉતારવા માટે ગાડી લઈને આવ્યા હતા. જે યુવતીને ઉતારીને યુવક અને યુવતી અંબાપુર નર્મદા કેનાલના સર્વિસ રોડ ઉપર પહોંચ્યા હતા, જ્યાં આ સમગ્ર ઘટના બની છે.